Supergrass
Na Galipedia, a wikipedia en galego.
| Supergrass | |
|---|---|
{{{caption}}} |
|
| Orixe | Londres |
| País | Inglaterra  |
| Período | 1994-actualidade |
| Xénero(s) | Rock |
| Selo(s) discográfico(s) | Parlophone |
| Membros | Gaz Coombes Rob Coombes Danny Goffey Mick Quinn |
| Antigos membros | |
| Web oficial | http://www.supergrass.com/ |
Supergrass é unha banda de rock formada en Londres no ano 1994. Está formada por Gaz Coombes (guitarra e voz), Rob Coombes (teclado), Danny Goffey (batería) e Mick Quinn (baixo).
[editar] Biografía
Supergrass foi formada en 1994 por Gaz Coombes na voces e na guitarra, Mick Quinn no baixo e Danny Goffey na batería. Antes diso, Goofey e Coombes xa tocaran xuntos na banda Jennifers. O son era practicamente igual ao da banda Ride, e os Jennifers chegaron a lanzar un sinxelo pola discográfica Nude Records. A historia de Jennifers non dura moito tempo, e Coombes, Goffey e Quinn acaban tomando outro rumbo, formando unha nova banda. As influencias máis evidentes do novo proxecto eran as bandas inglesas dos anos 60, engadíndolle a forza, entusiasmo e enerxía punk de bandas tan díspares como Pixies e Buzzcocks.
A nova banda evoluíu rápido e en pouco tempo eles xa se presentaban en directo en sets de media hora. O primeiro lanzamento de Supergrass foi o sinxelo "Caught By The Fuzz", hoxe en día clásico do britpop. O sinxelo foi lanzado pola discográfica independente Backbeat, no verán de 1994.
Eran só 250 copias, pero o sinxelo tivo repercusión. A Parlophone, do xigante grupo EMI contratounos e relanzou "Caught By The Fuzz" en outubro. Desta vez, o sinxelo case entra no top 40 britânico (chegou ao 42) e rendeu eloxios dos medios ingleses, aparte de comentarios positivos do persoal de Blur e Elastica (grupo musical). A partir daí as cousas comezaron a andar rápido: concertos como teloneiros de Blur, canción inédita no entón lendario Singles Club da Sub Pop e disco de estrea listo para ser lanzado no ano seguinte.
O debut, I Should Coco, chega ás tendas en maio de 1995 e non tarda en alcanzar a cima das listas inglesas. A responsable da fazaña foi a canción "Alright", o hit do verán daquel ano. O seu videoclip axudou á banda a ser coñecida no resto do mundo. Dous sinxelos máis seguiron a este lanzamento, "Time" e "Lenny", que sitúan a Supergrass entre as grandes bandas de Inglaterra.
Despois da xira mundial de I Should Coco a banda só retornaría con disco novo en 1997. In It For The Money, repetíu o éxito do seu predecesor ao chegar ao segundo lugar en Inglaterra, con vendas de un millón de copias só nese país. No seu segundo álbum, Supergrass mantén o entusiasmo de sempre, pero é un disco menos fresco que I Should Coco, aparte de amosar un evidente refinamento en arranxos máis detallados. Mentres tanto, fóra de Inglaterra a banda non mantivo o mesmo éxito, reducíndose o seu público. "Richard III" e "Sun Hits the Sky" foron os hits de In It For The Money.
A banda retornaría en 1999 cun disco autotitulado, que foi coñecido entre os fans como X-Ray Album (pola imaxe da súa portada). A pesares de que seguise a mesma liña do disco anterior, algúns críticos consideraron Supergrass máis relaxado, non chegando ás expectativas depositadas nel. Mesmo contando cun sinxelo poderoso, "Pumping On Your Stereo", o disco xa non tivo as mesmas vendas en Inglaterra e foi pouco notado noutros países.
A banda lanzou o seu cuarto traballo Life At Other Planets, en 2002. O disco foi ben recibido pola crítica, restablecendo a credibilidade e o respeto ao traballo da banda. Mentres tanto, mesmo co éxito do sinxelo "Grace", foi o que peor se comportou nas listas, chegando só ao noveno lugar en Inglaterra. É neste álbum no que Rob Coombes, teclista e irmán de Gaz, é recoñecido como membro oficial do grupo.
En 2004 editaron un recopilatorio, Supergrass is 10, e en 2005 lánzoase o seu quinto traballo, Road To Rouen.
