Þáttun
Úr Wikipediu, frjálsa alfræðiritinu
Þáttun er aðgerð í stærðfræði þar sem fundinn er þáttur,sem gengur upp í margliðuna, sem á að þátta.
[breyta] Þáttun margliðna
Margliður eru yfirleitt settar fram á forminu xn + xn - 1 + ... + x + c þar sem c er einhver fasti. Oft viljum við samt fá margliðuna þáttaða, t.d. til að finna núllstöðvar hennar. Þáttun margliðunnar x2 - 4 er (x + 2)(x - 2), sem dæmi.
[breyta] Þáttunaraðferðir
a2 - b2 = (a + b)(a - b) (öfug samokaregla eða summa sinnum mismunur)
a2 + 2ab + b2 = (a + b)2
a2 - 2ab + b2 = (a - b)2
a3 + b3 = (a + b)(a2 - ab + b2)
a3 - b3 = (a - b)(a2 + ab + b2)
[breyta] Frumtöluþáttun heiltalna
Vinsælt efni í stærðfræðinni í dag er frumtöluþáttun heiltalna sem er að finna í hvaða frumtölur heiltalan þáttast. T.d. hefur talan 15 frumþættina 3 og 5, þ.e. 
. Eftir því sem talan verður stærri verður erfiðara að finna frumtöluþætti hennar en þetta hefur notagildi i dulmálsfræði. Margir dulmálskóðar í dag byggja á því að ekki er hægt að þátta stórar heiltölur nema á mjög löngum tíma, t.d. RSA dulkóðunin.Ef við til dæmis hugsum okkur tvær mismunandi frumtölur, sem hvor um sig hefði svona 200 tölustafi og margföldum þær síðan saman, þá fengist tala sem væri með eitthvað nálægt 400 tölustöfum. Fengi nú einhver það verkefni að þátta slíka tölu þá gæti það tekið hann margar aldir, jafnvel þótt verkið væri unnið í öflugum tölvum. Um þetta er fjallað á skemmtilegan hátt í bókinni The Code Book eftir Simon Singh (og víðar).
