Birgir Ísleifur Gunnarsson (seðlabankastjóri)

Úr Wikipediu, frjálsa alfræðiritinu

Birgir Ísleifur Gunnarsson (fæddur í Reykjavík 19. júlí 1936) er íslenskur lögfræðingur og fyrrum seðlabankastjóri. Foreldrar hans eru Gunnar Espólín Benediktsson (f. 30. júní 1891, d. 13. febrúar 1955) hæstaréttarlögmaður og Jórunn Ísleifsdóttir (f. 2. október 1910) húsmóðir. Birgir lauk stúdentsprófi frá Menntaskólanum í Reykjavík árið 1955 og lögfræðiprófi frá Háskóla Íslands 1961.

Hann starfaði meðal annars sem framkvæmdastjóri Sambands ungra sjálfstæðismanna á árunum 1961—1963 og rak eigin lögmannsstofu í Reykjavík árin 1963—1972. Hann gegndi embætti borgarstjóra Reykjavíkur frá desember 1972 til maí 1978 og hefur þess að auki unnið ýmis störf í stjórnmálum frá maí 1978 til desember 1979. Þann 8. júlí 1987 var hann skipaður menntamálaráðherra en hætti störfum 28. september 1988. Birgir var bankastjóri Seðlabanka Íslands árin 1991 til 2005.

[breyta] Embætti og störf

Formaður Vöku, félags lýðræðissinnaðra stúdenta 1956—1957.
Formaður stúdentaráðs Háskóla Íslands 1957—1958, fulltrúi stúdenta í háskólaráði 1958—1959.
Formaður Heimdallar FUS 1959—1962.
Í stjórn Sambands ungra sjálfstæðismanna 1961—l969, formaður 1967—1969.
Borgarfulltrúi í Reykjavík 1962—l982.
Í stjórn Landsvirkjunar 1965—1991.
Formaður Stúdentafélags Reykjavíkur 1966—1967.
Í miðstjórn Sjálfstæðisflokksins 1973—1991.
Formaður framkvæmdastjórnar Sjálfstæðisflokksins 1978—1987.
Formaður stóriðjunefndar 1983—1987.
Í flugráði 1984—1987.
Formaður nefndar til að undirbúa löggjöf og áætlun um flugvelli 1984—1986.
Formaður nefndar er samdi frumvarp til laga um framhaldsskóla 1985—1987.
Formaður sendinefndar Alþingis hjá Þingmannasamtökum Atlantshafsbandalagsins 1983—1987.
Á Allsherjarþingi Sameinuðu þjóðanna 1980 og 1988.
Í Vestnorræna þingmannaráðinu 1989—1991.
Formaður þróunarnefndar Háskóla Íslands 1992—1994, skipaður af menntamálaráðherra.
Alþingismaður Reykvík 1979—1991 (Sjálfstfl.)
Menntamálaráðherra 1987—1988. 2. varaforseti Nd. 1983—1987.
Ritstjóri: Stefnir (1963—1965).
Fjármálatíðindi (frá 1994).
Seðlabankastjóri 1991-2005.
Formaður bankastjórnar Seðlabanka Íslands 1993-2005.