Geir Hallgrímsson

Úr Wikipediu, frjálsa alfræðiritinu

Geir Hallgrímsson

Geir Hallgrímsson (f. í Reykjavík 16. desember 1925, dó í Reykjavík 1. september 1990) var íslenskur stjórnmálamaður og forsætisráðherra.

Hann var sonur Hallgríms Benediktssonar, stórkaupmanns og alþingismanns, og Áslaugar Geirsdóttur Zoëga. Hann lauk stúdentsprófi frá Menntaskólanum í Reykjavík 1944 og lagaprófi frá Háskóla Íslands 1948. Á háskólaárunum var hann formaður Stúdentaráðs. Hann var formaður Heimdallar 1952-1954 og Sambands ungra sjálfstæðismanna 1957-1959. Hann stundaði síðan framhaldsnám í lögfræði og hagfræði við Harvard-háskóla.

Geir rak málflutningsskrifstofu í Reykjavík 1951-1959 og var jafnframt forstjóri H. Benediktsson & Co. 1955-1959.

Geir var borgarstjóri í Reykjavík frá 19. nóvember 1959 til 1. desember 1972, fyrst með Auði Auðuns en einn frá 6. október 1960. Hann var kjörinn varaformaður Sjálfstæðisflokksins á landsfundi 1971 og endurkjörinn 1973 en varð formaður flokksins haustið 1973 er Jóhann Hafstein varð að draga sig í hlé af heilsufarsástæðum. Meðan Geir sat sem borgarstjóri voru verklegar framkvæmdir miklar, t.d. voru vel flestar götur Reykjavíkur malbikaðar í borgastjóratíð hans.

Geir var kjörinn þingmaður Reykvíkinga 1971 og varð forsætisráðherra 28. ágúst 1974 og gegndi þeirri stöðu fram til 1978. Hann var þingmaður til 1983. Það ár lét hann af formennsku Sjálfstæðisflokksins. Hann var utanríkisráðherra 1983-1986 en gengdi frá því bankastjóra stöðu í Seðlabankanum til dauðadags 1. september 1990.

Fyrirrennari:
Ásgeir Pétursson

Formaður Sambands ungra Sjálfstæðismanna
(1957 – 1959)

Eftirmaður:
Þór Vilhjálmsson

Fyrirrennari:
Gunnar Thoroddsen

Borgastjóri Reykjavíkur
(19. nóvember 1959 – 1. desember 1972)

Eftirmaður:
Birgir Ísleifur Gunnarsson

Fyrirrennari:
Jóhann Hafstein

Varaformaður Sjálfstæðisflokksins
(27. apríl 1971 – 12. október 1973)

Eftirmaður:
Magnús Jónsson frá Mel

Fyrirrennari:
Jóhann Hafstein

Formaður Sjálfstæðisflokksins
(12. október 1973 – 6. nóvember 1983)

Eftirmaður:
Þorsteinn Pálsson

Fyrirrennari:
Ólafur Jóhannesson

Forsætisráðherra
(28. ágúst 1974 – 1. september 1978)

Eftirmaður:
Ólafur Jóhannesson

Fyrirrennari:
Ólafur Jóhannesson

Utanríkisráðherra
(26. maí 1983 – 24. janúar 1986)

Eftirmaður:
Matthías Á. Mathiesen

[breyta] Heimildir

Hannes Hólmsteinn Gissurarson. Sjálfstæðisflokkurinn í sextíu ár. Sjálfstæðisflokkurinn, 1989.

[breyta] Tengill

Æviágrip á heimasíðu Alþingis

Þetta æviágrip einstaklings er stubbur.
Þú getur hjálpað til með því að bæta við það

Af „http://is.wikipedia.org../../../g/e/i/Geir_Hallgr%C3%ADmsson_cbb8.html“

Geir Hallgrímsson

Úr Wikipediu, frjálsa alfræðiritinu

[breyta] Heimildir

[breyta] Tengill

Views

Flakk

Leit

Á öðrum tungumálum