Internetlén
Úr Wikipediu, frjálsa alfræðiritinu
Internetlén eru nöfn á Internetinu sett saman úr tveimur eða fleiri einingum og eru notuð til að auðvelda aðgang að vélum á Internetinu en áður fyrr þurfti að slá inn IP tölu netþjónsins sem átti að hafa samband við.
Efnisyfirlit |
[breyta] Samsetning lénsheita
Lénsheiti (e. Domain name) eru sett saman úr mörgum einingum. Hlutinn lengst til hægri og aðgreindur frá afgangnum með punkti er kallaður rótarlén, sá sem er vinstra megin við hann, aðgreindur með punkti, kallast lén en afgangurinn sem teygist alla leið til vinstri kallast undirlén. Tökum til dæmis lénsheitið nafn.sem.er.example.com og þá yrði því skipt í eftirfarandi parta:
com - Rótarlén.
example - Lén.
nafn.sem.er - Undirlén.
[breyta] Lénsheiti yfir í IP tölu
Til að þýða lénsheiti yfir í IP tölu, þá er farin eftirfarandi leið:
- Tölvan þín spyr nafnaþjónana (skilgreindir með IP tölum í tölvunni þinni) um lénsheitið sem þú vilt þýða.
- Nafnaþjónarnir sækja síðan upplýsingar til 1 eða fleiri af þeim 13 rótarnafnaþjónum (IP tölur þeirra eru stilltar inn í nafnaþjóna) um upplýsingar um rótarlénið í lénsheitinu. Þeir fá síðan svar til baka með 2 eða fleiri nafnaþjónum sem hafa umsjón með rótarléninu ef um er að ræða þjóðarlén eða láta þig strax fá nafnaþjónana sem hafa umsjón með léninu ef lénið er alþjóðlegt rótarlén.
- Beiðni er send til einhverra af þeim nafnaþjónum sem rótarnafnaþjónninn vísaði á og spurt um lénsheitið. Þeir vísa þér á (aðra) nafnaþjónana sem sjá um færsluna fyrir lénið eða svara þér með þeim upplýsingum sem þú spurðir um.
- Nafnaþjónarnir sem sjá um lénið eru spurðir um færsluna og annað hvort svara þeir þér með fullri IP tölu fyrir það sem þú spurðir um eða vísa þér á aðra nafnaþjóna sem hafa umsjón með færslunni eða vísa þér á aðra nafnaþjóna. Þetta ferli er síðan endurtekið eins oft og nauðsyn er. ATH: Ekki þarf endilega að fletta upp á nafnaþjónum sem sjá um sem.er.example.com áður en nafn.sem.er.example.com er fundið út. Sú færsla getur verið þess vegna í nafnaþjóni sem sér um example.com eða er.example.com.
Þessi leið er samt ekki farin í hvert einasta skipti sem að spurt er um lénsheiti, heldur eru svörin við beiðnunum geymd í nafnaþjónunum í ákveðinn tíma svo að ekki þurfi að spyrja eins oft. Þetta er gert til að flýta fyrirspurnum á Internetinu og um leið minnka álagið á nafnaþjónunum.
[breyta] Lén
Lén (e. Domain) geta innihaldið töluvert fleiri stafi heldur en rótarlén en hverjum einstaklingi/fyrirtæki er frjálst að sækja um lén með hvaða stafaumröðun sem er, svo fremur sem það falli undir reglur þess sem sér um að úthluta því og RFC reglunum um lénsheiti. Á Íslandi er hægt að sækja um lén sem innihalda sér-íslenska stafi í lénsheitinu en þau hafa mjög takmörkuð not enn sem komið er.
[breyta] Undirlén
Undirlén (e. Sub-domain) geta innihaldið nokkuð marga stafi og þau geta verið skilgreind með stöfum og punktum (en hafa samt sín takmörk), en það má ekki hafa punkta í venjulegum lénsheitum. Hægt að bæta við eins mörgum undirlénum og rétthafi léns vill án þess að láta úthlutunaraðila léns vita eða sækja um það sérstaklega til hans.
- http://www.register.web.tr - Domain Register Web]
