Stafrófsröð

Úr Wikipediu, frjálsa alfræðiritinu

Stafrófsröð er röð stafa í gefnu stafrófi, þegar raðað er í þessa röð er byrjað á því að raða eftir fyrsta staf orðanna, hugtakanna eða annars sem skal raða og svo koll af kolli. Stafrófsröð er meðal annars oftast notuð við niðurröðun í orðabækur, símaskrár, alfræðiorðabækur og fleira.

Stafrófsröð getur verið misjöfn á milli tungumála, í ensku er hún eftirfarandi:

A B C D E F G H I J K L M N O P Q R S T U V W X Y Z

Íslenskt stafróf er yfirleitt talið eftirfarandi:

A Á B D Ð E É F G H I Í J K L M N O Ó P R S T U Ú V X Y Ý Þ Æ Ö

Dæmi um nokkur orð í stafrófsröð:

1. Amma
2. Arabi
3. Arabia

Ef talað er um að fólki eða hlutum sé raðað niður í stafrófsröð er þeim raðað niður eftir nöfnunum eða orðunum yfir viðkomandi manneskju eða hlut.

[breyta] Vísur um stafróf

Stafrófsvísa

A, b, c, d, e, f, g;

eftir kemur h, i, j, k,

l, m, n, o, einnig p,

ætla ég q þar standi hjá.

R, s, t, u, v eru þar næst,

x, y, z, þ, æ, ö.

Allt stafrófið er svo læst

í erindi þessi lítil tvö.

(Gunnar Pálsson í Hjarðarholti)

Íslensk stafrófsvísa

A, á, b, d, ð, e, é,

f, g, h, i, í, j, k.

L, m, n, o, ó og p

eiga þar að standa hjá.

R, s, t, u, ú, v næst,

x, y, ý, svo þ, æ, ö.

Íslenskt stafróf er hér læst

í erindi þessi skrítin tvö.

(Þórarinn Eldjárn)