Verzlunarskóli Íslands
Úr Wikipediu, frjálsa alfræðiritinu
Verzlunarskóli Íslands eða Verzló eins og hann er oft kallaður er framhaldsskóli til fjögurra ára staðsettur í Reykjavík. Skólinn var fyrst settur þann 12. október 1905 og tók til starfa um haustið sama ár. Á fyrsta starfsári hans voru nemendur 66, en telja nú á ellefta hundrað.
Skólinn var stofnaður af Verzlunarmannafélagi Reykjavíkur og Kaupmannafélagi Reykjavíkur. Sumarið 1922 tók Verslunarráð Íslands að sér umsjón skólans, og hefur hann síðan verið undir yfirstjórn þess.
Skólinn útskrifaði fyrst stúdenta árið 1945, en stúdentsnámið tók þá sem lokið höfðu verslunarprófi tvö ár. Skólinn var í sex bekkjum árin 1944-1970, en árið 1971 voru tveir neðstu bekkirnir felldir niður og nemendur í staðinn teknir inn í skólann með landspróf eða gagnfræðapróf, og eftir árið 1974 samræmt grunnskólapróf.
Skólinn hefur starfað á sex stöðum í Reykjavík:
- Vinaminni (Mjóstræti 3) fyrsta árið (1905-1906)
- Melstedshúsi við Lækjartorg árið 1906-1907
- Hafnarstræti 19 árin 1907-1912
- Vesturgötu 10 árin 1912-1931
- Grundarstíg 24 árin 1931-1986
- Ofanleiti 1 frá árinu 1986
Skólanum hefur gengið vel í keppnum sem háðar hafa verið á milli framhaldsskóla landsins, þá einkum Morfís. Keppnin var fyrst haldin árið 1985 og hefur allt í allt verið haldin 21 sinni. Á þessu tímabili hefur Verzlunarskóli Íslands unnið hana 9 sinnum og getur því árangurinn talist einstakur. Skólinn hefur þó aðeins unnið Gettu Betur, spurningakeppni framhaldsskólanna, einu sinni þrátt fyrir að hafa komist 6 sinnum í úrslit, en það var árið 2004 er þeir sigruðu Borgarholtsskóla í bráðabana úrslitaviðureignarinnar. Lið skólans skipuðu þeir Hafsteinn Viðar Hafsteinsson, Steinar Örn Jónsson og Björn Bragi Arnarson. Lið skólans árið 2005-2006 komst í úrslit Gettu Betur þar sem þeir biðu lægri hlut gegn Menntaskólanum á Akureyri, eftir að hafa slegið út lið Borgarholtsskóla og Fjölbrautaskóla Suðurlands með auðveldum hætti. Þess má geta að lið Verzlunarskóla Íslands hefur ávallt sigrað Borgarholtsskóla þegar liðin hafa mæst í Gettu Betur.
Efnisyfirlit |
[breyta] Skólastjórar Verzlunarskólans
- 1905-1915: Ólafur G. Eyjólfsson
- 1915-1917: Jón Sívertsen
- 1917-1918: Helgi Jónsson
- 1918-1931: Jón Sívertsen
- 1931-1953: Vilhjálmur Þ. Gíslason
- 1953-1979: Dr. Jón Gíslason
- 1979-1990: Þorvarður Elíasson
- 1990-1991: Valdimar Hergeirsson
- 1991-2005: Þorvarður Elíasson
- 2005-: Sölvi Sveinsson
[breyta] Félagslíf
Skólinn hefur löngum verið þekktur fyrir virkt og vel skipulagt félagsstarf. Nemendafélag Verzlunarskóla Íslands (NFVÍ) starfrækir klúbba og nefndir og eru yfir hundrað nemendur í ýmsum klúbbum og nefndum við skólann og í stjórn nemendafélagsins.
NFVÍ gefur einnig út skólablaðið Viljann, hið veglega Verzlunarskólablað sem út kemur einu sinni á ári og Kvasi, sem er málgagn nemendafélagsins.
Þar að auki er árlega haldið nemendamót, sem er gjarna talið hápunktur ársins af nemendum og starfsfólki. Söngleikir Verzlunarskólans, sem vakið hafa mikla athygli í gegnum árin, eru fluttir á þessu nemendamóti, sem haldið er í febrúar á hverju ári.
[breyta] Heimildir
Félagslíf. Skoðað 22. desember, 2005.
[breyta] Tenglar
| Fyrri: Menntaskólinn í Reykjavík |
|
Næsti: Borgarholtsskóli |
|||
| Íslenskir framhaldsskólar |
|---|
|
Borgarholtsskóli | Fjölbrautaskóli Snæfellinga | Fjölbrautaskóli Suðurlands | Fjölbrautaskóli Suðurnesja | Fjölbrautaskóli Vesturlands | Fjölbrautaskólinn á Sauðárkróki | Fjölbrautaskólinn í Breiðholti | Fjölbrautaskólinn í Garðabæ | Fjölbrautaskólinn við Ármúla | Flensborgarskólinn í Hafnarfirði | Framhaldsskólinn á Húsavík | Framhaldsskólinn á Laugum | Framhaldsskólinn í Austur-Skaftafellssýslu | Framhaldsskólinn í Vestmannaeyjum | Iðnskólinn í Hafnarfirði | Iðnskólinn í Reykjavík | Kvennaskólinn í Reykjavík | Landbúnaðarháskóli Íslands | Menntaskólinn á Akureyri | Menntaskólinn á Egilsstöðum | Menntaskólinn á Ísafirði | Menntaskólinn í Kópavogi | Menntaskólinn að Laugarvatni | Menntaskólinn í Reykjavík | Menntaskólinn Hraðbraut | Menntaskólinn við Hamrahlíð | Menntaskólinn við Sund | Sjómannaskólinn í Reykjavík| Verkmenntaskóli Austurlands | Verkmenntaskólinn á Akureyri | Verzlunarskóli Íslands |
