აბუსერისძე, ტბელი

ვიკიპედიიდან

ტბელი აბუსერისძე (* დაახლოებით 1190 ― † 1240), ქართველი მწერალი და ასტრონომი. ხიხათა (აჭარის) ერისთავთერისთავის ივანეს შვილი. ავტორი რელიგიურ-ისტორიული თხზულებისა "სასწაულნი წმიდისა... გიორგისნი და ანდერძნი... მთქუმელისაჲ" და ვრცელი ქრონოლოგიურ-ასტრონომიული ტრაქტატისა "ქორონიკონი სრული მისითა საუწყებელითა". მასვე უნდა ეკუთვნოდეს "გალობანი სამთა იოანეთა". რელიგიურ-ისტორიული თხზულება აღწერს აჭარელი გლეხის, ხელობით კალატოზის, ბოლოკჯ-ბასილის სამშენებლო საქმიანობას შუარტყალში. შეიცავს აბუსერისძეთა საგვარეულო მატიანეს, აგრეთვე იმდროინდელი ყოფა-ცხოვრებისა და ზნე-ჩვეულებების მნიშვნელოვან ცნობებს, მდიდარია კონკრეტული ისტორიული ხასიათის მონაცემებითაც. ქრონოლოგიურ-ასტრონომიული ტრაქტატი ვრცელი საკალენდრო ცნობარია, რომელშიც განხიხულია წელთაღრიცხვის სხვადასხვა სისტემის ღირსება-ნაკლოვანებანი და მოცემულია საეკლესიო დღესასწაულთა და მთვარის ამოსვლა-ჩასვლის მზა ცხრილები.

Retrieved from "http://ka.wikipedia.org../../../%E1%83%90/%E1%83%91/%E1%83%A3/%E1%83%90%E1%83%91%E1%83%A3%E1%83%A1%E1%83%94%E1%83%A0%E1%83%98%E1%83%A1%E1%83%AB%E1%83%94%2C_%E1%83%A2%E1%83%91%E1%83%94%E1%83%9A%E1%83%98.html"

კატეგორიები: ქართველები | ქართველი მწერლები | ქართველი ასტრონომები | დაბადებული 1190 | გარდაცვლილი 1240

აბუსერისძე, ტბელი

ვიკიპედიიდან

Views

ნავიგაცია

ძიება