ანთელავა, ირაკლი

ვიკიპედიიდან

ირაკლი გიორგის ძე ანთელავა (* 21 თებერვალი, 1912, ზუგდიდი ― † 17 მარტი, 1978, თბილისი), ქართველი ისტორიკოსი. საქართველოს (1966) და აფხაზეთის მეცნიერებათა დამსახურებული მოღვაწე. ისტორიის მეცნიერებათა დოქტორი (1955), პროფესორი (1956).

[რედაქტირება] ბიოგრაფია

1931 წელს დაამთავრა თბილისის სახელმწიფო პედაგოგიური ინსტიტუტის ისტორიის ფაკულტეტი და 1936 წელს ლენინგრადის ფინანსურ-ეკონომიკური ინსტიტუტი. 1938-1956 წლებში მუშაობდა დ. გულიას სახელობის აფხაზური ენის, ლიტერატურისა და ისტორიის ინსტიტუტში. 1938-1954 წლებში შეთავსებით - მ. გორკის სახელობის სოხუმის სახელმწიფო პედაგოგიურ ინსტიტუტში სსრკ ისტორიის კათედრაზე (1942 წლიდან გამგედ). 1865 წლიდან - ივ. ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტში. საქართველოს ახალი ისტორიის ინსტიტუტის განყოფილების უფროს მეცნიერ თანამშრომლად. 1957 წლიდან - გამგედ. 1958 წლიდან შეთავსებით არის თსუ სსრკ ისტორიის კათედრის პროფესორი. ანთელავა მუშაობს XVII-XIX საუკუნეების საქართველოს სოციალურ-ეკონომიკური და პოლიტიკური ისტორიის, ფეოდალური ურთიერთობის რღვევისა და კაპიტალიზმის გენეზისის, რუსეთ-საქართველოს ურთიერთობის საკითხებზე. ანთელავას ნაშრომს "სახელმწიფო გლეხები XIX საუკუნის საქართველოში" (სოხუმი, 1955, ტ. 1-2, თბ., 1962-1969, რუსულ ენაზე) მიენიჭა აკადემიკოს ს. ჯანაშიას სახელობის პრემია (1970).

Retrieved from "http://ka.wikipedia.org../../../%E1%83%90/%E1%83%9C/%E1%83%97/%E1%83%90%E1%83%9C%E1%83%97%E1%83%94%E1%83%9A%E1%83%90%E1%83%95%E1%83%90%2C_%E1%83%98%E1%83%A0%E1%83%90%E1%83%99%E1%83%9A%E1%83%98.html"

კატეგორიები: ქართველები | ქართველი ისტორიკოსები | დაბადებული 1912 | გარდაცვლილი 1978

ანთელავა, ირაკლი

ვიკიპედიიდან

[რედაქტირება] ბიოგრაფია

Views

ნავიგაცია

ძიება