დელონი, ალენ
ვიკიპედიიდან
ალენ დელონი (* 8 ნოემბერი, 1935, სო, საფრანგეთი) ფრანგი მსახიობი, პროდიუსერი, რეჟისორი და სცენარისტი. გარდა ამისა იგი არის კოლექციონერი, გატაცებულია დოღით, ორგანიზატორია ბოქსის ჩემპიონატის. 1999 წლიდან ორმაგი მოქალაქეობა აქვს: საფრანგეთისა და შვეიცარიის. ალენ დელონი კინომატოგრაფიის ისტორიაში შევიდა როგორც ლამაზი, მეამბოხე, ენიგმატური და ფატალური მამაკაცი.
[რედაქტირება] ბიოგრაფია
ალენის მამა, კორსიკელი ფაბიენ დელონი ო-დე-სენის ქალაქ სოში პატარა კინოთეატრის მმართველი იყო, დედა, ედიტი კი- ფარმაცევტი. 1939 წელს მშობლები განქორწინდებიან და პატარა ალენს ჯერ ერთი ოჯახი იშვილებს, შემდეგ კი სენ-ნიკოლა დ'ინის კათოლიკურ პანსიონში მიაბარებენ, სადაც მთელ ახალგაზრდობას ატარებს. იგი მეამბოხე და უდისციპლინო ბავშვია, რის გამოც სკოლიდან 6-ჯერ გააგდებენ.
მალე ალენის დედა მეორედ გათხოვდება პოლ ბულონზე, რომელიც ძეხვეულის ფაბრიკაში მუშაობს. ალენი მამინაცვლის პროფესიას ეუფლება და მოგვიანებით მის საქმიანობას აგრძელებს, თუმცა ეს საერთოდ არ ხიბლავს.
1953 წელს ალენი სამხედრო სამსახურში მიდის და ინდოჩინეთის ომში იღებს მონაწილეობას. სამი წლის შემდეგ, საფრანგეთში დაბრუნებული იძულებულია წვრილი სამუშაოები შეასრულოს საარსებო თანხის საშოვნელად. მალე იგი ხვდება ჟან-კლოდ ბრიალის, რომელიც მიიპატიჟებს კანის საერთაშორისო ფილმების ფესტივალზე. აქ განსაკუთრებულად ლამაზი გარეგნობის ახალგაზრდას მალევე ამჩნევენ. იგი რამდენიმე სასინჯ ჩვენებას გაივლის და ადვილად შეაღწევს კინემატოგრაფიის სამყაროში ყოველგვარი პროფესიული განათლების გარეშე.
1957 წელს გამოდის მისი პირველი ფილმი, ივ ალეგრეს როცა ქალი ერევა, რასაც ძალიან დიდი წარმატება მოჰყვება მთელს ევროპაში. ამის შემდეგ დელონის კარიერა სწრაფად ვითარდება, მასთან თანამშრომლობენ ცნობილი ევროპელი და ამერიკელი რეჟისორები.
1958 წელს, კრისტინას გადაღების დროს ალენ დელონი გაიცნობს რომი შნაიდერს. ალენი ამ დროს 23 წლისაა, რომი - 20-ის. მათ ერთმანეთი შეუყვარდებათ და 1959 წლის 22 მარტს დაინიშნებიან. მათი წყვილი მშვენიერების, ახალგაზრდობისა და წარმატების განსახიერებად იქცევა შოუ-ბიზნესის სფეროში.
1960 წელს დელონი თამაშობს ლუკინო ვისკონტის ფილმში, როკო და მისი ძმები, რომელიც ვენეციის კინოფესტივალის ჟიურის სპეციალურ პრიზს დაიმსახურებს. 1964 წელს დელონი შორდება რომი შნაიდერს და ცოლად ირთავს მსახიობ ნატალი კანოვას, რომელთანაც შეეძინება ვაჟიშვილი, ანტონი. 1967 წელს ალენი და ნატალი დელონები ერთად მონაწილეობენ ჟან-პიერ მელვილის ფილმში სამურაი.
1968 წელს, ჟეფის გადაღების დროს ალენს შეუყვარდება მირეი დარკი და გაცილდება ცოლს.
1974 წელს ორგანიზებას უკეთებს საფრანგეთში ბოქსში საერთაშორისო ჩემპიონატს. ამავე პერიოდში აგებს თავლას დოღის ცხენების მოსაშენებლად და იღებს მსოფლიო ჩემპიონის ტიტულს ჯირითში.
1978 წელს დელონი იწყებს თავისი სახელობის სუნამოს, შამპანურის, კონიაკის, მაჯის საათების, სათვალეების, სიგარეტის, ტანსაცმლისა და აქსესუარების გამოშვებას ჟენევაში. ამ წამოწყებას მსახიობისთვის უზარმაზარი შემოსავალი მოაქვს. მალე დელონი შვეიცარიაში სახლდება და მოქალაქეობასაც იღებს.
1987 წელს დელონი ცოლად ირთავს ჰოლანდიელ მანეკენს, როზანი ვან ბრიმენს, რომელთანაც 1990 წელს შეეძინება ქალიშვილი, ანუშკა და 1994 წელს - ვაჟიშვილი, ალენ-ფაბიენი.
2001 წელს ფოტოგრაფი კრისტიან აარონ ბულონი გამოსცემს მოგონებების წიგნს სიყვარული არასოდეს ივიწყებს, სადაც ამტკიცებს, რომ იგი ალენ დელონის არაღიარებული შვილია.
მომდევნო წელს როზალი ვან ბრემენი ალენ დელონს მიატოვებს, რასაც 67 წლის მსახიობი მწვავედ განიცდის.
2003 წელს კლაუდია კარდინალე მას მარაკეშის საერთაშორისო ფილმების ფესტივალზე "ოქროს ვარსკვლავს" გადასცემს, ორი წლის შემდეგ კი ჟაკ შირაკი საპატიო ლეგიონის ორდენს მიანიჭებს მსოფლიო კინემატოგრაფიაში შეტანილი წვლილისთვის.
[რედაქტირება] ფილმოგრაფია
- 1957 - როცა ქალი ერევა,ალეგრე, ივ
- 1957 - იყავი ლამაზი და გაჩუმდი, ალეგრე, მარკ
- 1958 - კრისტინა, გასპარ უი, პიერ
- 1959 - სუსტი ქალები, ბუარონი, მიშელ
- 1959 - მოსწავლეთა გზა,ბუარონი, მიშელ
- 1960 - რა სასიხარულოა ცხოვრება, კლემანი, რენე
- 1960 - თაკარა მზე, კლემანი, რენე
- 1960 - როკო და მისი ძმები, ვისკონტი, ლუკინო
- 1961 - ცნობილი სიყვარულები, ბუარონი, მიშელ
- 1962 - დაბნელება, ანტონიონი, მიქელანჯელო
- 1963 - გეპარდი ვისკონტი, ლუკინო
- 1964 - შავი ტიტა, ჟაკი, კრისტიან
- 1964 - დაუმორჩილებელი,კავალიე, ალენ
- 1964 - ფელენსები, კლემანი, რენე
- 1964 - ყვითელი როლს-როისი, ასკიზი, ანტონი
- 1965 - მკვლელები სან-ფრანცისკოდან, ნელსონი, რალფ
- 1966 - პარიზი იწვის?, კლემანი, რენე
- 1966 - ტეხასო, აი ჩვენც!, გორდონი, მაიკლ
- 1966 - ცენტურიონები, რობსონი, მარკ
- 1966 - თავგადასავლების მაძიებლები, ენრიკო, რობერი
- 1967 - სამურაი, მელვილი, ჟან-პიერ
- 1968 - მშვიდობით, მეგობარო, ჰერმანი, ჟან
- 1968 - მოტოციკლეტი გარდიფი, ჯეკ
ალენ დელონი და რომი შნაიდერი, აუზი - 1968 - აუზი, დერეი, ჟაკ
- 1968 - არაჩვეულებრივი ისტორიები, მალი, ლუი
- 1969 - ჟეფი, ჰერმანი, ჟან
- 1969 - მედლი, კაანი, როჟე
- 1969 - სიცილიელთა კლანი, ვერნეი, ანრი
- 1970 - ბორსალინო, დერეი, ჟაკ
- 1970 - წითელი წრე, მელვილი , ჟაკ-პიერ
- 1971 - წითელი მზე, იონგი, ტერენს
- 1971 - ტროცკის მკვლელობა, ლოზეი, ჟოზეფ
- 1971 - ქვრივი კუდერკი, გრანიე-დეფერ, პიერ
- 1972 - პილიციელი, მელვილი, ჟან-პიერ
- 1972 - პროფესორი, ცურლინი, ვალერიო
- 1972 - იყო ერთი პოლიციელი, ლოტნერი, ჟორჟ
- 1972 - შოკის მკურნალობა, ჟესუალი, ალენ
- 1973 - დიდი თოფები, ტესარი, დუჩიო
ბორსალინო და კომპანია - 1973 - სკორპიო, ვინერი, მაიკლ
- 1973 - დამწვარი საკუჭნაოები, შაპო, ჟან
- 1973 - ღმერთების რასა, გრანიე-დეფერი, პიერ
- 1973 - ორნი ქალაქში, ჯოვანი, ჟოზე
- 1974 - ბორსალინო და კომპანია, დერეი, ჟაკ
- 1974 - ზორო, ტესარი, დუჩიო
- 1975 - ბოშა, ჯოვანი, ჟოზე
- 1975 - პოლიციელის ისტორია, დერეი, ჟაკ
- 1976 - ბუმერანგივით, ჯოვანი, ჟოზე
- 1976 - არმაგედონი, ჟესუა, ალენ
- 1976 - ბატონი კლეინი, ლოზეი, ჟოზეფ
- 1977 - აჩქარებული ადამიანი, მოლინარო, ედუარდ
- 1977 - განგი, დერეი, ჟაკ
- 1978 - ფრთხილად, ბავშვები გვიყურებენ, ლერუა, სერჟ
- 1979 - აეროპორტი 80 კონკორდი, ლოუელ რიჩი, დავიდ
- 1980 - თეირანი 43, ალოვი, ალექსანდრ
- 1981 - პოლიციელის ტყავისთვის, დელონი, ალენ
- 1982 - შოკი, დავისი, რობენ
ორნი ქალაქში - 1983 - სვანის სიყვარული, შლონდოლფი, ვოლკერ
- 1984 - ჩვენი ისტორია, ბლიე, ბერტრან
- 1985 - პოლიციელის სიტყვა, პენეირო, ჟოზე
- 1986 - პასაჟი, მანზორი, რენე
- 1988 - ნუ გააღვიძებ მძინარე პოლიციელს, პენეირო, ჟოზე
- 1990 - ცეკვის მანქანები, ბეა, ჟილ
- 1990 - ახალი ტალღა, გოდარი, ჟან-ლუკ
- 1992 - კაზანოვას დაბრუნება, ნიერმანი, ედუარ
- 1993 - კრიმინალი, დერეი, ჟაკ
- 1995 - სიმონ სინემას ას ერთი ღამე, ვარდა, ანიეს
- 1997 - დღე და ღამე, ლევი, ბერნარ-ანრი
- 1998 - ორიდან ერთი შანსი, ლეკონტი, პატრის
- 2000 - მსახიობები, ბლიე, ბერნარ
- 2003 - ლომი, პენეირო, ჟოზე
- 2007 ( დაგეგმილია გამოსვლა) - ასტერიქსი ოლიმპიურ თამაშებზე, ფორესტიე, ფრედერიკ
