შავარდნისნაირნი
ვიკიპედიიდან
შავარდნისნაირნი (Falconiformes), ფრინველთა რიგი. მოიცავს მთელ მსოფლიოში გავრცელებულ (გარდა ანტარქტიკისა) 81 გვარის 274 სახეობის დღის მტაცებელ ფრინველს. მათი სხეულის მასა 60 გ-იდან 12 კგ აღწევს. მონოგამები არიან, ქმნიან მტკიცე წყვილებს. ბუდობენ ხეებზე, ნიადაგზე, კლდეებზე, ხანდახან სხვის ბუდეებსაც იყენებენ. უმრავლესობა ცხოველური საკვებით იკვებება. ახასიათებს ვიწრო კვებითი სპეციალიზაცია. სქესმწიფობას წვრილი ფორმები აღწევენ 1 წლის, მსხვილები 3-4 წლის ასაკში. რიგი მოიცავს 7 ოჯახს: ნეოკათარტისებრნი, ამერიკული სვავისებრნი, ტერატორნითიდისებრნი, ფრინველ-მდივნისებრნი, ქორისებრნი, შაკისებრნი, შავარდნისებრნი.
