შორაპნის ციხე

ვიკიპედიიდან

შორაპნის ციხე, ანტიკური და შუა საუკუნეების ციხესიმაგრე დასავლეთ საქართველოში, ყვირილისა და ძირულის შესართავში (ახლანდელი დაბა შორაპნის ტერიტორია, ზესტაფონის რაიონი). წყაროებში პირველად მოხსენებულია სტრაბონთან (ძვ. წ. I - ახ.წ. I სს.). ლეონტი მროველის (XI ს.) ცნობით, ციხესიმაგრე ძვ.წ. III საუკუნის დასაწყისში ააგო ქართლის მეფე ფარნავაზ I-მა. სტრაბონისეული ცნობით, ციხესიმაგრე იმდენად დიდი იყო, რომ მასში თავისუფლად ეტეოდა ქალაქის მოსახლეობა. VI საუკუნეში, ირან-ბიზანტიის ომის დროს, შორაპნის ციხე ხელიდან ხელში გადადიოდა. გვიანდელ ეპოქაშიც ეს ციხე მნიშვნელოვანი სტრატეგიული პუნქტი იყო. 1730 ოსმალებმა დაიკავეს. 1770 მეფე სოლომონ I-მა გაათავისუფლა. შემორჩენილია შორაპნის ციხის ნანგრევები (ფართობი 0,5 ჰა-ზე მეტი). კედლების წყობაში შეიმჩნევა რამდენიმე სამშენებლო ფენა - ანტიკურიდან გვიანდელი ფეოდალურ ხანამდე.

Retrieved from "http://ka.wikipedia.org../../../%E1%83%A8/%E1%83%9D/%E1%83%A0/%E1%83%A8%E1%83%9D%E1%83%A0%E1%83%90%E1%83%9E%E1%83%9C%E1%83%98%E1%83%A1_%E1%83%AA%E1%83%98%E1%83%AE%E1%83%94.html"

კატეგორია: საქართველოს ხუროთმოძღვრების ძეგლები

შორაპნის ციხე

ვიკიპედიიდან

Views

ნავიგაცია

ძიება