Troisdorf
Us de Wikipedia
| Wappe | Kaat |
|---|---|
 |
 |
| Övverseesh | |
| Bundesland: | Noordrhing-Wääßfaale |
| Rijierungsbezörk: | Kölle |
| Landkreijs: | Rhing-Siesh-Kreijs |
| Wie jrooß iss dat? | 62,17 km² |
| Wi vill Lück wohne da? | 76.596 (31. Dezemmber 2005) |
| Lück pro Kwadraatmeter: | 1226 Minsche pro km² |
| Wie huh lisht dat? | 55 m ü. NN |
| Postleitzahle: | 53840, 53842, 53844 |
| Telefonvüürwahle: | 02241, 02203, 02246, 0228 |
| Wo iss dat jenau? | 50 49' n. Br., 7 9' ö. L. |
| Autokennzeijshe: | SU |
| Jemeijndeschlüssel: | 05 3 82 068 |
| Veedel: | 12 Veedel |
| Adräss vunn dä Stadtverwaltung: | Kölner Str.176 53840 Troisdorf |
| Offizzjelle Websigk: | www.troisdorf.de |
| E-Mail-Adräßß: | [1] |
| Politik | |
| Bürjermeijßter: | Manfred Üdelhoven CDU |
Trooßdoorf is de grüüßte Stadt im Rhing-Siesh-Kreijß un litt öößlich vunn Bonn unn Kölle. Me fingk et im Südooßte vunn dä Kölsche Bucht unn nördlich vumm Wääßterwaald. Zur Zick leeve 76.596 Eijnwohner (31.12.2005) in dem Industriestädtje em Grööne, su wie die Trooßdorfer ihr Städtje selever nenne.
Trooßdoorf hätt zwöllef Stadtdeel, die sich opp en Fläch von 62,17 km² verdeele.
Enhaldsüvversich |
[Ändere] Die Veedel heeßen:
- Trooßdoorf
- Trooßdoorf Wess
Dat Veedel witt och ruude Kolonie jenannt. Dat litt an dä Daachziejele, die he all en ruud jehalle sin. Trooßdoorf Wess ees eener dä jüngste Veedel vun Trooßdoorf. Et wudd iirz em Oktoober 1999 noh de Kommunalwahl vum neue Shtadtrat jejründ. Früher dät dat Jebiet deelwies zo Overloor un zo Trooßdoorf jehüüre.
- Aleroth
Aleroth hätt en bewäächte Jeschisch hinger sich. Et wor nämlich en janze Zick lang jaanitt bewunnt, weil de Soldate em zweite Weltkreech Platz brooten öm ze üübe. Dat däten die en de Wahner Heed un en Aleroth. Dat Dörfje wud äver nohm Kreech widder besiedelt. Av 1969 jehüürt Aleroth zo Trooßdoorf. Dofüür dät et bei Luhmer jehüüre. Die Eenwunner vun Aleroth werde Sandhase jenannt.
- Sieshloor
De Eenwunner vun Sieshloor werde Ööchs jenannt.
- Overloor
- Friedrich-Wilhelms-Hött (kurz de Hött)
De Hött ees öm 1900 als Arbeedersiedlung vum nohjeläjene Stohlwerk jejründ wudde. Dat Werk heeß hückzedaach Klöckner Mannstaedt Werke. Die Arbeeder komen us Kölle, uß Kalek. De Hött witt och de Schwaaze Kolonie jenannt. Dat hänk met dä Daachziejele zesamme. Die sin nämlich doorchweg Schwaaz. Bes 1969 dät de Hött bei dat Amp Mengde jehüüre.
- Spich
De Eenwunner vun Spich werde Bleimöps jenannt.
- Kreesdorf
- De Rotter See
- Eischem
- Müllekove
De Eenwunner vun Müllekove werde Krööh jenannt.
- Berchem
De Eenwunner vun Berchem werde Frösch jenannt.
Die letzte drei jehüüren zom sujenannte Balkan zodäm och Mondorp un Nidderkassel zällt.
[Ändere] Wat ees he alles passeert ?
Trooßdoorf wudd et irtzte mol eem Joor 1075 en_ener Uurkund vun de Benedektiner Mönche us em Kluuster in Siebursh erwähnt. Äller sin nur die Veedel Eischem un Sieshloor. Die zwei wutten ad 832 urkundlich erwäähnt.
Em 19. Joorhundert hät dann de Industrie einzoch jehalle en Trooßdoorf. 1815 han se en Spich en Alaunhütt in Betrieb jenomme un 1816 ees en Jlockejeeserei in Sieshloor in Betrieb jejange. 1825 wudd met däm Bau vun de Friedrich Willhelms Hütt aanjefange. Dat wor zeiirzt nur ene Huuhovve. Bees hück ees doruss de Mannstaedt-Werke jewudde, die weltweit bekannt sin für ihr jewalzte Iiseprofile. 1887 ees met dem Bau vun_ener Zündhööttchefabrik aanjefange wudde. Doruss häät sich bees en uns Daach de Dynamit Nobel AG entwickelt. Am 1. April 1899 wudd Trooßdoorf zo ener eejenen Bürjermeisterei.
Em 20. Joorhundert hätt sich Trooßdoorf doorch die Wirre vum 1. und 2. Weltkreech kämpfe mösse. Am schlimmste mooten die Alerödder dorunger ligge, denn av 1938 wudd dä Truppeübungsplatz en de Wahner Heed usjeweitet, un so hatten se ihr Dörfje zo verlosse. Iirz 1945 nohm Kreech kunt de Oocht wedder besiedelt werde. Äver en de zweite Hälefte vum 20. Joorhundert jing et dann steil berchop. Ab 1952 darf sich Tooßdoorf janz amplich Stadt nenne. Un noh der komunalen Neuoordnung vum 01. Aujuss 1969 hätt Trooßdoorf die Ausmaaße die et och hück noch hett. Neven Aleroth un de Friedrich Wilhelms Hütt kommen die Bürjermeisterei Sieshloor un sing Oochte zom Stadtjebiet dozoo.
[Ändere] Wat kamme sich hee aangucke ?
Sehenswürdichkeite en Trooßdoorf sin unger anderem:
- Et Bilderboochmuseum
- De Bursch Wissem
- Et Berchemer Fahr
- Et Fischereimuseum
[Ändere] Wer ees hee jeboore wudde ?
- Gerhard Romilian von Kalcheim, gen. Leuchtmar (* 5. Dezemmber 1589 in Spich ; † 18. Oktoober 1644 Berlin) wor ene deutsche Juriss un Diplomat.
- Wilhelm Hamacher (* 11. Oktoober 1883; † 21. Juuli 1951 en Bonn) Politiker vun de (Zentrumspartei), MdB, Vertreter vum Rhingland em Reichsroot, Kultusminister von Nordrhing-Wessfale, Parteivürsitzender.
- Paul Schäfer (* 4. Dezemmber 1921), wor ene Sektenjründer und Jründer un Herrscher von dä „Colonia Dignidad“ en Chile.
- Uwe Göllner (* 14. Febrowaa 1945), Bundesdaachsavjeordneter vun de SPD vum 12. Febrowaa 1996 bis 18. Sepptämmber 2005 und ehemaliger (iihrenamplischer) Bürgermeester vun Trooßdoorf (1993 bis 1998)
- Günter Assenmacher (* 3. Määz 1952 in Sieshlor) ees Offizial vum Erzbistum Kölle
- Tom Buhrow (* 29. Sepptämmber 1958), Usslandskorrespondent vun dä ARD en Washington (D.C.) (USA)
- Sophie Moser (* 29. Meij 1984) deutsche Jeijerin.
[Ändere] Lück die wichtisch für Trooßdoorf woren oder sin ?
- Emil Langen (* 24. Juuni 1824 en Solingen; † 1. Oktoober 1870 en Salzjitter); vun 1846 bes 1867 Direktor vun de Friedrichs Wilhelms Hött.
- Rupert Neudeck (* 14. Meij 1939 en Danzig) deutscher Journalist, Jründer vum Komitee Cap Anamur / Deutsche Notärzte e.V. un Vürsetzender vum Friedenskorps Grünhelme e.V..
- Jean Claude N'Kolde Kibala, dä eäzte Trooßdorfer dä föör et kongolesische Parlament kandedeet hätt
