Elif Şafak
Ji Wîkîpediya
Elif Şafak li sala 1971ê li Strasbûrga Fransayê hatîye dinyayê. Nivîskareka bi koka xwe ji Tirkîyê e ko bi Inglîzî, Tirkî û Frensî dinivîsit.
Daybabên wê dîplomatên dewleta tirkan li Fransayê bûn. Piştî daybabên wê ji veh cida bûn, ew bi dayîka xwe ra li Fransayê ma. Dema sinêleyî (nûcuwanî) a xwe li welatên mîna Spanyayê û Ordonê derbazkirin. Piştra vegerîya Tirkîyê û xwendina xwe di warê pêvendîyên navneteweyî li Zanîngeha Teknîkî a Rojhilata Navîn li Ankarayê dawî kir. Xwedîya bawernameya Mastera Zanistan di ware Lêkolînên Jinan û Guhnêlê e. Navnîşanê têza mastera wê Jiberhevhilweşandina Jinînîyê li goreyî Têgehiştinên Dewranî yên Derwêşî a Nekevneşopî di Îslamê da bû. Wê Diktora a xwe li pişka Zanistên Sîyasî her li heman Zanîngehê wergirt.
Li sala xwendinê ya 2003-2004ê, Şefek zanistvaneka serdanker li Zanîngeha Mişîganê li Emrîkayê bû. Ev zanistvana civakzanistî niha li Pişka Xwîndinên Rojhilata Nêzîka Zanîngeha Arîzonayê Seydaya Arîkar (Assistant Professor e.
Destpêka karê Elîfê di edebyatê da çîrokek bi navê Kem Gozlere Anadolu li sala 1994ê bû. Romana wê ya pêşîn, Pinhan (Sofî) li sala 1998ê xelatê "Mewlanaî wergirt, ko ji baştirîn karên edebî yên Îrfani ra dihêt dan. Xwendayên nivîsînên wê bi romana Şehrin Aynalari (Neynikên Bajêrî) gelek zêde bûn. EV roman bû sedema hindê ko li sala 2000ê xelatê "Yekîtîya Nivîskarên Tirkîyê" werbigirit. Elîfê berî jîyê 30 salîyê hemî xelatên edebîyên giringên Tirkîyê wergirtin û digel Orhan Pamukîgehişt kopîtka edebyata hevçerxa Tirkîyê.
Elîfê du roman bi Inglîzî jî nivîsîne. Ji ber amajekirina bi Tuxmkujî (cînosayd) a Ermenîyan di romana xwe ya Inglîzî a duyê da, The Bastard of Istanbul (Bijjîyê Stenbolê), li 27ê Xêveya (Hizîrana) 2006ê, li goreyê Benda 301ê ji Qanûna Cînayî a Tirkan Elîf li Tirkîyê bi tawana "Brîndarkirina Tirkîtîyê" hat tawanbarkirin. Li goreyê wê dozgerîyê, reng e Elîf sê salan bihêt zîndanîkirin. Paçvekerê (wergêrê) romanê bo ser zimanê Tirkî û weşanxane ya wê jî bi heman tawanê hatine tawanbarkirin.
Li sala 2005ê, li heyama sefereka belavkirina kitêbekê li Berlîna paytextê Elmanyayê Elîf bi rojnamevanê Tirk Eyûb Can ra zewicî. Li roja 15ê Îlûna 2006ê kîja (keça) wan, Şehrezad Zelka hat ser dinyayê.
