Altai
E Vicipaedia
Altai [1] (quod nomen originem suam ducet ex verbo Turco-Mogolico, aureum significato), seu montes Altaici [2], est systema montium Asiae, in Russia et Casachia (in parte meridionali Siberiae occidentalis), etiam in Mogolia et Sina locatum. Altissimus montium illorum (4506 m) Belucha appellatur.
In montibus Altaicis siti sunt plus 3,5 milia lacuum (quorum maximi Teletskoie et Markakol vocantur) et fluvii multi (amplissimi sunt Bia, Buchtarma, Catun et Tsuia).
Opes minerales montium illorum sunt metalla varia (ferrum, hydrargirum, aurum, etc.).
Montes Altaici habent multas silvas coniferas (ibi Abies sibirica et Pinus sibirica sunt arbores praevalentes), ubi Ursus arctos, Lynx lynx, Mustela sibirica, Sciurus vulgaris, Cervus elaphus sibiricus, Moschus moschiferus, Tetrao urogallus, Tetrastes bonasia, Picinae et multa alia animalia habitant. In finibus extremis montium illorum sitae sunt steppae, ubi plantae praesertim sunt herbosae et frutescentes. Animalium in steppis illis habitantium sunt Rodentia parva (Citellus, Microtinae, etc.), Meles meles, Aquila nipalensis, Cerchneis tinnunculus, etc. Steppae altimontanae in fluxu amnis Tsuia sitae partim similes sunt semidesertis Mongoliae conterminae, a repraesentes faunae mongolicae (sunt Gazella gutturosa, Marmota sibirica, Felis manul, etc.) habitatae. In regione altimontana Altaica vegetatio alpina est, bestiae ibi habitantes sunt, e.g., Ochotona alpina, Uncia uncia, Capra sibirica, Rangifer tarandus. Partes territorii montium Altaicorum factae sunt reservata.
In terra illa clima continentale et sat asperum est. Hiemes sunt longae et frigidae.
[recensere] Notae
[recensere] Fontes
- Encyclopaedia Sovietica Magna, editio tertia (Russice)
- Dictionarium novum illustratum encyclopaedicum (Russice) – Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5
[recensere] Nexus externus
 |
Vicimedia Communia plura habent quae ad Altai spectant. |
