Kaimaninselen
Vu Wikipedia, der fräier Enzyklopedie.
D’Kaimaninselen (engl.: Cayman Islands) sinn eng Inselgrupp an der Karibik an en Iwwerséigebitt vum Vereenegte Kinnekräich.
[Änneren] Geographie
D’Insele kruten hiren Numm vun den Eederessen déi hei doheem sinn an déi am Ufank mat Krokodile verwiesselt goufen. D’Inselgrupp besteet aus dräi Inselen, Grand Cayman, Little Cayman a Cayman Brac a läit ongeféier 750 km südlech vu Miami/Florida an ca. 300 km nordwestlech vu Jamaika. D’ Insele verdeele sec hop eng Fläch vun ca. 262 km², a Grand Cayman mat 198 km² ass déi gréisst dervun.
D’Insele si Spëtze vu enger Biergketten, déi ënner dem Wasser läit, dem Cayman Ridge, déi bis op Kuba geet.
[Änneren] Bevëlkerung
Ongeféier 90 % vun de 44.270 Awunner liewen op der grousser Insel Grand Cayman. Am Laf vun de Joerhonnerten ass eng gemëschte Bevëlkerung entstanen, déi awer ganz stolz drop ass, datt et ënner deene verschiddenen Ethnie keng Reiwereie gëtt. D’Gebräicher sinn nach déiselwecht wéi déi vun den éischte britesche Siidler déi am 18. Joerhonnert op d’Insel koumen.
[Änneren] Geschicht
No der Entdeckung duerch de Kolumbus den 10. Mee 1503, wéi seng Schëffer vun der Route déi virgesi war ofkomm waren, an hien duerch Zoufall dunn d’Inselen entdeckt huet, goufen se Las Tortugas genannt. Eréischt am 17. Joerhonnert goufen d’Insele vu Jamaika aus besiidelt.
Wéi Jamaika onofhängeg gouf hunn d’Leit op der Insel décidéiert datt si wollten eng Kolonie vun England ginn, a si kruten e Gouverneur. Zënter 1962 hu si de Status vun enger britescher Krounkolonie mat Eegeverwaltung.
[Änneren] Reesen
Fir op d’Inselen ze komme brauchen EU-Bierger kee Visa, et ass just virgeschriwwen datt een e Pass muss hunn deen nach sechs Méint gülteg ass.
[Änneren] Fluchhäfen
-
- Owen Roberts International Airport op der Insel Grand Cayman (IATA-Fluchhafecode: GCM)
- Little Cayman Airport op Little Cayman (IATA-Fluchhafecode: LYB)
- Gerrard Smith Airport op Cayman Brac (IATA-Fluchhafecode: CYB)
[Änneren] Économie
D’ Kaimaninsele ginn och nach d’Schwäiz vun der Karibik genannt, well bal all Banke vun der Welt do vertruede sinn. Dëst ass haaptsächlech op déi gënsteg Steierkonditiounen vun der Kolonie zréckzeféieren. D’Haapstad George Town ass déi fënneftgréisst Finanzplaz op der Welt.
