PR-1mil
Vu Wikipedia, der fräier Enzyklopedie.
[Änneren] Eng Millioun Wikipedia Artikelen
20. September, 2004 (Lëtzebuerg):
D'Wikipedia Foundation huet haut d'Kreatioun vum engmilliounsten Artikel op der Wikipedia, hirem Projet fir eng fräi Enzyklopedie verkënnegt (http://lb.wikipedia.org ). Wikipedia ass eng vu Fräiwëllegen erstellten, méisproocheg Enzyklopedie, déi am Januar 2001 ugefaang ginn ass. Zur Zäit ginn an iwwer 100 Sproochen aktiv Artikelen geschriwwen ; domat ass et de gréissten and am séierste wuessenden open-content Projet op der Welt. Ongeféier 2500 nei Artikele ginn all Dag derbäi gesat, an zéng mol méi existeierend Artikelen ginn op den neisten Stand bruecht.
Am Laf vum leschte Joer ass Wikipedia virun allem an den net-englesche Sprooche gewuess, en Zeechen vun dem Projet senger zouhuelender Méisproochegkeet. Vun den iwwer 100 verschiddene Sproocheversiounen, sinn et der 14 déi am Moment méi wéi 10'000 Artikelen hun: (Englesch (http://en.wikipedia.org ): 339,000, Däitsch (http://de.wikipedia.org ): 135,000, Japanesch (http://ja.wikipedia.org ): 69,000, Franséisch (http://fr.wikipedia.org ): 50,000, Schwedesch (http://sv.wikipedia.org ): 39,000, Polnesch (http://pl.wikipedia.org ): 37,000, Hollännesch (http://nl.wikipedia.org ): 35,000, Spuenesch (http://es.wikipedia.org ): 28,000, Italiéinesch (http://it.wikipedia.org ): 23,000, Dänesch (http://da.wikipedia.org ): 21,000, Esperanto (http://eo.wikipedia.org ): 15,000, Portugiesesch (http://pt.wikipedia.org ): 14,000, Chinesesch (http://zh.wikipedia.org ): 13,000, and Hebräesch (http://he.wikipedia.org ): 10,000).
Den Grënner vu Wikipedia, den Jimmy Wales, kommentéiert dass den Succes vun Wikipedia un der Präsenz vun engem staarke Kär vu gutt informéierten a sproochgewanten Auteuren aus der ganzer Welt läit. Zesummen halen si un der Kommunautéit hiere Werter: Héiflechkeet, Zivilitéit an Neutralitéit. De Mechanismus fir di héich Qualitéit vun den Artikelen z'erhalen erkläert hien esou: D'Partizipanten halen en A op der Säit vun de "Rezenten Ännerungen". Déi ganzen Zäit verbesseren an editéieren si hir Aarbecht géigesäiteg. Suguer Artikelen iwwer kontrovers Sujeten kënnen op déi Aart a Weis behandelt ginn. Di offiziell Adoptioun vun der Regel vum Neutralitéitsstandpunkt (NPOV policy) war an dësem Zesummenhang entscheedend.
No enger Etude vun Alexa.com (http://www.alexa.com ) ass Wikipedia ass hautesdaags ee vun den zéng am meeschten benotzte Referenzsiten um Internet.
Dem Projet seng Popularitéit ass dëst Joer unerkannt ginn, souwuel mam Prix Ars Electronica for Digital Communities wéi mat engem Webby Award for Community (http://meta.wikimedia.org/wiki/Trophy_box ).
Wikipedia gëtt ëmmer méi benotzt als eng Resource vu Studenten, Journalisten, an jidderengem deen e Point de départ brauch fir um Internet Saachen nozesichen. Als Zousaz zu méi traditionellen enzyklopedesche Sujeten ass Wikipedia an der Lag fir séier op aktuell Evenementer ze reagéieren and Informatiounen ze bréngen sou bal et geschitt ass. Wéinst der Neutralitéitsregel kann ee soen datt Wikipedia villäicht suguer méi no un der Wourecht ass wéi verschidden aner Medien.
Dat huet en héije Wäert fir Educatiounsbesoinen, wou Proffen a Studenten um leschte Stand musse sinn. Well et quasi keng Limitatioune a puncto Plaz gëtt, probéiert Wikipedia och verschidde Funktiounen vu méi spezialiséierten Enzyklopedien z'iwwerhuelen. Am Géigesaz zu enger Pabeiersenzyklopedie kann d'Wikipedia sech et leeschte fir souwuel Artikelen iwwer méi elementar a méi fortgeschrueden Aspekter vun engem Sujet ze hunn.
Modern Enzyklopedien a gedréckter Form musse Plaz maache fir nei Sujeten, wat oft op d'Käschte vu méi eeleren Theme geet. Dat betrëfft vrun allem d'Wëssenschaft an déi nei Technologien. Op Wikipedia kann dat méi ausgeglach gespäichert gin, wat dozou féiert datt Wikipedia méi geschichtlech Referenzen kann uginn.
Wikipedia leeft duerch e wiki Software Typ dee MediaWiki genannt gëtt, an et all Mënsch erlaabt, zu jiddfer Zäit eng Säit ze änneren an d'Ännerungen direkt kënnen ze gesinn (wiki heescht 'séier' op hawaiianesch). D'Partizipanten schaffen esou zesummen, andeems een deem anere seng Ännerunge benotze kann, an natierlech ëmmer andeems si d'Neutralitéit respektéieren. Wa Feeler opdauche kënnen déi direkt vun engem anere Partizipant verbessert ginn.
All Wikimedia Content gëtt ënnert der GNU Free Documentation License (http://www.gnu.org/copyleft/fdl.html#SEC1 ) (GFDL) publizéiert, wat all Partizipant erlaabt, engem anere seng Arbecht ze verbesseren a Saachen zum Thema bäizedroen, no engem Prinzip deen als copyleft bekannt ass. Dës Lizenz erlaabt et och, de Contenu vu Wikipedia weiderzeverbreeden, esoulaang de Contenu op der neier Plaz och ënnert der GFDL steet. D'MediaWiki Software ass geneesou fräi ze kréien, ënnert enger ähnlecher Lizenz speziell fir Software.
Nieft Wikipedia ënnerstetzt d'Wikimedia Foundation (http://www.wikimediafoundation.org ) nach eng Partie aner multisproocheg Duechterprojeten: Wiktionary (en Dictionnaire an Thesaurus op wiktionary.org), Wikiquote, (eng Sammlung vun Zitaten op wikiquote.org), Wikibooks, (eng Sammlung vun e-books, notamment fir Studenten op wikibooks.org), a Wikisource (Texter a Bicher aus dem Domaine public op wikisource.org). Zënter der Grënnung vun der Wikimedia Foundation konnten iwwer US$50,000 gesammelt gi fir dës Projeten ze ënnerstetzen. Méi Informatiounen zu den Donatiounen fannt dir ënnert http://www.wikimediafoundation.org/fundraising.
Well all Dag Ännerunge virgeholl ginn, ass et quasi onméiglech ze soe wou Wikipedia an d'Duechterprojeten an engem Joer stoe wäerten. Wat awer sécher ass, ass datt duerch d'GNU Lizenzen de Contenu an d'Software duerch déi Wikipedia funktionnéiere kann, fräi bleiwen.
