Schlass Berwart
Vu Wikipedia, der fräier Enzyklopedie.
 |
Dëse Architektursartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Berwarter Schlass (oder Berwarts Schlass) war e Schlass zu Esch-Uelzecht, dat 1954 ofgerappt gouf. Haut steet op dëser Plaz de Centre de Recherches vun der ARBED.
[Änneren] Geschichtleches
De Bau vun der Buerg Berwart léisst sech op d'Joer 1280 zeréckdatéieren. Well déi Géigend zimlech suppeg ass, war se gutt gëeegent, fir op dëser Plaz eng Waasserbuerg ze bauen. Hire strategesche Wert hat se duerch hir Lag no un der Grenz tëscht de Grofschafte Bar a Lëtzenbuerg. D'Famill Berwart gëtt eng éischte Kéier 1292 ernimmt. Si bleift bis 1397 zu Esch, dono gëtt hir Herrschaft aneschtwuers verierft. D'Schlass huet awer weiderhin hiren Numm behalen.
1558 gëtt d'Schlass vun den Truppe vum Herzog vu Guise zerstéiert a verbrannt. 1621 gëtt et nei opgebaut. 1721 huet deb Heinrich vu Schauwenburg d'Wirtschaftsgebeier nees opbaue gelooss. Dës Wirtschaftsgebaier goufen eréischt 1973 ofgerappt, just den Entréestuerm gouf stoegelooss, deen, deen och haut nach do steet.
1763 huet den Anton-Josef vu Schauwenburg erëm en neit Schlass op den ale Fëllementer baue gelooss, dëst gouf awer alt nees zerstéiert, wéi 1794 franséisch Revolutiounstruppen an d'Éisträicher bei Kämpfereien vun Esch net méi vill ganz gelooss hunn.
1805 huet de Fräihär vu Schauwenburg d'Schlass, oder wat dovunner Rescht war, dem franséische Militärdokter J.P Frémion verkaf, deen et sengersäits, der Metzer Famill Prunot viruverkaf huet. 1869 huet d' Société Metz & Cie d'Schlass an en Deel vun de Lännereien opkaf. Op de Lännereien huet se d' Metze Schmelz, déi spéider Arbed Schëffleng, opgeriicht. D'Schlass gëtt d'Residenz vun den Direktere Léon Metz an Hubert Muller-Tesch.
1905 brécht e Feier am Schlass aus; et gëtt alt nees opgebaut, an den Daach gëtt ausgebaut. Nom Doud vum Léon Metz 1928 bleift d'Schlass onbewunnt. Et steet jorelaang eidel, an delabréiert ëmmer méi. 1954 léisst d'Arbed et ofrappen. Fir d'Cinquantenairesfeierlechkeeten, 1956, fir d'Geschicht vun der Stad ze wierdegen, huet missen eng Kuliss vum Schlass opgeriicht ginn. D'Wirtschaftsgebaier aus dem 18. Joerhonnert ginn, wéi schon ernimmt, 1973, bis op den Entréestuerm, ofgerappt.
Nodeems dësen Tuerm bal 20 Joer eleng an der Landschaft stung, ginn 1992 vun do aus 2 Verbidungsgaleriën un en neit administrativt Gebai vun der Arbed geluecht, dat hannendrun, op der Plaz vum ale Schlass, no Pläng vum Kölner Architektenbüro Gottfried Böhm opgeriicht gi war.
