Vu Wikipedia, der fräier Enzyklopedie.
 |
Dëse Museksartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
Anere Musekgrupp an der Puszta
Typesch Ungaresch Zigeinermusek kritt een an der Puszta ze héieren, virun allem an der Géigend vum Balaton-Séi (Plattenséi). Si gëtt vu Musekgruppen, Männer a Fraen, a faarwefreedegen Truechte gespillt.
Wat villfach als Ungaresch Zigeinermusek bezeechent get, bezitt sech op verschidde Musekgenren, bei deenen meeschtens Zigeiner an irgend enger Form matwierken:
- Als éischt wieren déi sougenannt Csárdás (och Csardas, Aussprooch "Tschardasch") ze ernimmen. D'Wuert bedeit eng ungaresch Taverne um Land. Csárdás ass en ungaresche Volleksdanz. Op e luese patheteschen Kreesdanz vu Männer , a Mineur gespillt, follegt e wëllen, feieregen Danz vu Koppelen a Majeur. Den Ursprong vun den Csárdás get vu verschidde Musekhistoriker op d'Verbunkos (Werbung oder Publizitéit) zeréckgefouert. Zigeinerkapellen hunn nämlech am 18. Joerhonnert mat engem Danz fir de Recrutement vun Zaldoten fir d'Arméi vun den Habsburger Publizitéit gemeet.
- De gëtt et déi eigentlech Zigeinermusek, déi vun Zigeiner gespillt get.
- Vum Begrëff Zigeinermusek ass d'ungarescht Vollekslidd ofgeleed. De Béla Bartók (1881-1945), e bekannten ungaresche Komponist, huet vill zur Erfuerschung vum ungaresche Folklore a Vollekslidd bäigedro.
- Schléisslech hu vill klassesch a modern Komponisten sech vum ungareschen musikaleschen Musekpatrimoine inspiréieren gelooss an eng sougenannt klassesch Zigeinermusek komponéiert. Hei si puer Beispiller:
- De Franz Liszt (1811-1886), huet puer Csárdáse komponéiert, déi bekanntest dovun ass d'Csárdás macabre
- De Johann Strauss (1825-1899), huet d'Operetten Der Zigeunerbaron an d'Fledermaus komponéiert
- Den Emmerich Kálmán (1882-1953), en ungaresche Komponist, huet d'Operett D'Csárdásfürstin komponéiert
- Hiwäis op dem Johannes Brahms seng Ungaresch Dänz
