Wope vu Lëtzebuerg
Vu Wikipedia, der fräier Enzyklopedie.
De Wope vu Lëtzebuerg huet seng Originnen an de Wope vum mëttelalterlechen Haus Lëtzebuerg. E geet op den Henri de V. (1136-1196) zréck.
Inhaltsverzeechnis |
[Änneren] Heraldech Beschreiwung
An der heraldescher Sprooch gëtt de Lëtzebuerger Wopen beschriwen: sëlwer a blo gestraift (10) mat engem roude Léiw mat gesplécktem, diagonal gekräiztem Schwanz, mat gëllene Krallen, Zong a Kroun, iwwert allem.
[Änneren] Entwécklung vum Wopen
[Änneren] Walram de III. vu Limburg
D'Ermesinde huet sech 1214 mam Walram de III. vu Limburg bestued. Den huet als Zeechen vun sengen Uspréch op d'Mark Namouer sengem Léiw eng Kroun opgesat. Wéi du säi Papp gestuerwen ass, huet hien als Zeeche vun der Herrschaft iwwer 2 Grofschafte sengem Léiw och nach de Schwanz gespléckt.
Dat waren d'Limburger Wopen ier den Henri de V. Grof vu Lëtzebuerg ginn ass.
[Änneren] Henri de V. vu Lëtzebuerg
Den Henri de V. huet du sengem Wopen, warscheinlech als Revendikatioun dass hien deen eenzege rechtméissege Nofolger vum Henri de Blannen war, déi sëlwer a blo Banden a säi Wopen derbäi gemaach. Dës Bande gi warscheinlech ob d'alt, net dokumenteiert, Banner vun de Grofe vu Lëtzebuerg zeréck. D'Grofe vu Looz a Grandpré, déi och a weiblecher Linn vun den ale Lëtzebuerger Grofen ofgestaamen, hunn zur gläicher Zäit e gëllen a rout gesträifte Wopen ugeholl. Doraus schléisst de Lëtzebuerger Heraldiker Jean-Claude Loutsch datt dat aalt Lëtzebuerger Banner wuel och gëllen a roud war an den Henri de V. dëst duerch d'heraldesch Auswiel vun de Faarwe mam roude Léiw sëlwer a blo geholl huet).
[Änneren] Karl den I.
1346 wéi dei eeler Limburger Linn vun de Grofen vu Berg ausgestuerwe wor, huet de Karl den I., Grof vu Lëtzebuerg, den duebele Schwanz vum Léiw diagonal gekräizt.
Dat ass dann och de Wopen wéi mir en haut nach kennen.