Begienhaof
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
'ne Begienhaof ies 'n woonplaats veur begiene. 't Ies 'ne aafgesjlote haof of 'n plein woa-umheen of woa-aan woonhoezer of sjtraote mèt huuskes liegke. In de miedde sjteit meistal 'n kèrkske. De ièredeenste en Heilige Mèsse weure hie gedoon door 'ne pesjtoar of 'ne rector. De begiene houte ziech bezig mèt baeje en 't beoefene van leefdadigheid. 't Begienweze óntsjtóng in de 13e ièw en haet in de 21e ièw wiènig volgelinge miè.
Begiene, zint óngetrouwde vrouwe of wèdvrouwe (weduwes), die same 'n religieus gemeinsjap vörme. Zie lègke gein geloftes aaf. 't Enigste wat zie belaove ies, dat zie neet zölle trouwe zoalang es zie in de gemeinsjap leve, dat zie zölle loestere nao de euversjte en dat zie vriewillig in ermooj leve. Meistal drage zie uniform kleijer. De leiding liek bie de groat-juuffrouw of groat-meisteres (magistra).
De 26 begienhäöf in Vlaandere zint in 1998 opgenómme op de Waerelderfgoodlies van UNESCO.
[bewirk] Woa liegke begienhäöf of begienhöfkes
- Tóngere in Belsj
- Leuve in Belsj
- Gent in Belsj
- Brögge in Belsj
- Amsterdam in Nederland
- Breda in Nederland
