Tóngere
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Tungers, as te dit dialek sjpriks.
| Gemeinte Tóngere | |
|---|---|
 |
|
| Geografie | |
| Gewes | Vlaondere |
| Provincie | Limburg |
| Arrendissemint | Tóngere |
| Geografische coördinate | 51°08' N.B. 5°44' O.L. |
| Oppervlak | 54,76 km² |
| Deilgemeinte | Tóngere Bedui Berg Eldere Eur Euveriëpe Henes Kunsem Low Nerem Niërepe Piringe Ritsinge Rutte Slauze Vriëre |
| Bevolking (Bron : NIS) | |
| Inwuners (01/01/2005) | 29.635 |
| Mansluj Vrouwluj |
14.533 15.102 |
| Diechheid | 338,45/km² |
Tóngere (officieel Tongeren) is 'n stad en gemeinte in Belsj Limburg, en de hoofplaots vaan 't glieknaomig arrondissemint. 't Ligk te zuie vaan Hasselt en te weste vaan Mestreech. Tóngere is 'n klein stad mèt bekaans 30.000 inwuners, en gelt es de aajdste stad vaan 't Belsj. De stad ligk op de grens vaan droeg en vochteg Haspegouw.
Inhawd |
[bewirk] Stadsfuncties
't Limburgs Hof van Assise resideert in Tóngere. Ouch is 't de hoofplaats vaan zoewel 't gerechtelik es 't besteurlik arrondissemint. Sins de jaore zesteg heet ziech einege industrie in de stad gevesteg. Väöl inwuners zien forenze veur Luik. Es merretplaots en stad vaan oonderwiesinstèllinge is de stad e rezjionaol cintrum. Vaan groete beteikenis is 't Gallo-Romeins Museum.
[bewirk] Stadsgeziech
In Tóngere steit de Slevrouwebasiliek, mèt stómpen torie, die de binnestad dómmeneert. 'n Nuier kèrk is de barokke Sint-Jan-d'n-Duiper. Wijers vint dao reste vaan aw walmör, neet allein vaan de middeliewse (in de vörm vaan tories), meh ouch vaan de Roemeinse moer stoon nog stökker euverind. Tóngere kint e veurmaoleg begienhoof, mèt 'n vreug-gotische kèrk en renaissancehuiskes. Ouch bekind is de statu vaan Ambiorix.
[bewirk] Historie
Tóngere is waorsjijnlik de aajdste stad vaan 't Belsj; ze waor in de aajdheid 't bestuurlik cintrum vaan de Tóngere, gelege aon de hierweeg Bavai-Kölle, en hètde op 't Latien Atuatuca Tungrorum. Sintervaos waor bisjop vaan Tóngere en daomèt d'n ierste bisjop in de Nederlen. Roond 390 woort de stad verweus door de Salische Franke, en in 450 nog ins door de Hunne. In de Middeliewe waor 't 'n veurnaom handelsstad en ein vaan de Gooj Stei vaan 't Prinsbisdom Luik. De lake-industrie bleujde hei ouch, al waor 't ouch neet zoeväöl wie in Braobant. De stad waor herhaoldelik 't teniel vaan oorloge en woort daodoor in heur greuj belemmerd. Tot 1794 behuurde de stad bij 't Prinsbisdom. In 1971 woort de stad mèt 'n aontal plattelandsgemeintes oetgebreid.
[bewirk] Gebore in Tóngere
- Jules Frère (Tóngere, 19 juni 1881 - 6 augustus 1937) waor 'nen Tóngersen diechter, sjriever, riechter en folkloris. Bekind is Frère gewore mèt 'nen eigen diechbundel, 't Druvig Bukske, gepubliceerd in 1917, gans gesjreve in 't Tungers dialek.
[bewirk] Externe link
| Bèlsj Limburg | |
|---|---|
|
Alleke | As | Berringe | Bilze | Bóggetj | Bree | Dilse-Stokkem | Djoppenbeek | Gengk | Gingelom | Glabbek | Ham | Haëmet-Achel | Hasselt | Hechtel-Eksel | Herk | Herstap | Heuze-Zolder | Hiër | Hoeiselt | Hôle | Hôtele-Helichtre | Ieverpelt | Kinder | Kotsoeve | Leopoldsburg | Leume | Loeën | Loei | Lommel | Lôneke | Mechele | Mezeik | Miëve-Roj | Neerpelt | Noërekirke | Peer | Riems | Sintruin | Tóngere | Voere | Wille | Zietendaol | Zonneve |
|
