Esneux

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Liegking van Esneux in de provincie Luuk

Esneux ies 'n gemeinte in de Belzje provincie Luuk, in 't arrondissement Luuk. Esneux liek aan de Ourthe, in de Condroz, óngevaer 20 kilomaeter ten zuje van de sjtad Luuk. De gemeinte haet 'n oppervlak van 34,05 km² en 13.072 inweunersj (1 januari 2006). Binne de gemeinte liek ouch de deilgemeinte Tilff. Wiejer woonkerne binne de gemeinte zint: Amostrennes, Avionpuits, Beauregard, Crévecoeur, Fêchereux, Flagothier-La Haze, Fontin-Hamay, Hony, Ham, Limoges, Mery, Monfort, Nomont-Avister, Souverain-pré, Tilff-Cortil en Sur-le-Mont.

Inhawd

1 Functies
2 Aanziech van de gemeinte en bezeenswaerdighede
3 Historie
4 Externe link

[bewirk] Functies

Esneux ies 'n woongemeinte veur forenze en kènt daoneve toerisme, zjuus wie Tilff. D'r liek 'n vestiging van 't academisch hospitaal van Luuk.

[bewirk] Aanziech van de gemeinte en bezeenswaerdighede

Ziech op Esneux

Esneux besjteit oet twiè gedeiltes, hoag- en lièg-Esneux, die door 'ne sjteine trap verbónge zint. 't Lièg gedeilte liek aan de Ourthe. In 't hoag gedeilte liek de kèrk van Esneux en 't Kesjtièl Le Fy (woavan me zaet dat 't Walt Disney geïnspireerd zou höbbe bie zien kesjtièl van Doornroosje in Disneyland). D'r liegke nog 'n aantal kesjtièle in de gemeinte. Ouch zint d'r intersante grotte.

[bewirk] Historie

Esneux waor ónderdeil van 't Hertogdóm Limburg; 't loog in 'n gebeed dat 'n exclaaf waor binne 't Prinsbisdóm Luuk, die "au-delà des bois" geneump woort.

De gemeinte ies óntsjtange bie de gemeintefusie van 1977.