Aubel

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Liegking van Aubel in de provincie Luuk

Aubel ies 'n dörp en gemeinte in de Belzje provincie Luuk, in 't arrondissement Verviers. De gemeinte haet 'n oppervlak van 18,83 km² en 't aantal inweunersj ies 4.056 (1 januari 2005). Aubel liek aan de Berwien. Bie de gemeinte huère ouch de dörpkes Saint-Jean-Sart en La Clouse.

[bewirk] Functies

Aubel ies e klein landboewcentrum, bekènd veur zien sjtreekprodukte wie Herfse kiès, beer, sjroap, charcuterie, escargots en cider. Saer 1630 weurt in Aubel op zóndeg 'n weekmert gehouwte, woa ónder andere dees produkte verhandeld were.

[bewirk] Dörpsbeeld

't Centrum van Aubel

In 't centrum van Aubel liegke nog 'n groat aantal ouw hoezer. De kèrk van Aubel ies gewiejd aan Hubertus. Ze ies in 1910 geboewd in neogotische sjtiel. De kèrktore mèt 'n huègde van 64 maeter domineert 't plaetske.

Binne de gemeinte Aubel liek de Abdij van Val-Dieu, die oorsjprónkelik dateert oet 1216. De geboewe die d'r allewiel sjtoont zint van de 17e en 18e ièw, wiel de abdijkèrk in de 19e ièw heropgeboewd ies in gotische sjtiel.

[bewirk] Historie

De naam Aubel weurt veur 't ièrsj geneump in 1248. In de 13e ièw weurt 'n kapel gewiejd aan de heilige Hubertus geboewd. In 1395 weurt 't plaetske 'n parochie. Vanaaf 1630 kriet Aubel de toesjtumming um eder week mert te houwte.