Haors
Van Wikipedia
Dit artikel is gesjreve in 't Haorsters. 't Weurt gewaardeerd óm in dit artikel 't Haorsters aan te hauwe of aan te gaeve welk anger dialek gebroek is.
Haors is de belangriekste pláts van de gemènte Haors aan de Maas in 't noorde vaan de provincie Limburg. Tot 2001 waor Haors 'n zelfstandige gemènt; 't woort toen mèt de gemèntes Brokeze en Grevors gefuseerd tot de nìj gemènt Haors aan de Maas. Beej de gemènte Haors huèrde òk de dörpe Amèrica, Griendsveen, Haegelsum, De Melderse en De Mieëterik. Op 1 Jannewarie 2006 háj Haors 11.998 inwoëners. Haors leet aan de A73.
Inhawd |
[bewirk] Functies
Haors is èn belangriek agraries centrum; d'r is heej veural veul glaastuinbouw, champignonteelten d'r wère sperjus gekweekt. D'r zien òk ónderzeuksinstèllinge op 't gebeed van de landbouw en agrariese ónderwiesinstèllinge gevestigd.
[bewirk] Bezeenswaardighede
De kèrk van Haors is gewiejd aan d'n heilige Lambertus. Ze leet aan 't mertplein, tegenòvver 't veurmalig gemèntehoes. 't Bákstiëne gebouw is óntworpe door d'n Limburgse arsjitekt Alphons Boosten en vervángt de àldere kèrk die in de Twèdde Werreldoërlog verlore is gegaon. De kèrk haet 'ne rieke inventaris (ónder andere èn laatgotisch wiewatervaat, èn Romaans doëpvónt en èn marianum) en is èn rieksmonument.
T'n noordoëste van Haors leet de rewien vaan 't kestiël ter Hoars. 't Gebouw dateerde oerspronkelijk oet 't begin van de vèrtiende iëw. Vanaf 't midde van de niggentiende iëw is 't kestiël, dát in de loëp vaan d'n tied waor verbouwd en oetgebreid, vervalle. Èn tiedje terug hebbe ze 't kestiël wer opgeknapt en is 't wèr òpegesteld veur 't publiek. D'r wère nou òk de kestiëlfiëste gehalde.
[bewirk] Bekènde Horster minse
- De band De Heideroosjes kumt oet Haors
- Twan Huys, journalist, woort gebore in Haors
[bewirk] Trivia
De vastenaovesveriëniging van Haors hèt D'n Dreumel. Mèt vastenaovend heit Haors òk waal 't Dreumelriêk.
