Grevors
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Grevorsters, as te dit dialek sjpriks.
Grevors (Nederlands Grubbenvorst) is e dörp in de Nederlands-Limburgse gemeinte Haors aan de Maas. 't Ligk aon de weskant vaan de Maos, tegeneuver Velde. Op 1 januari 2006 had 't 4770 inwoeners; adomèt is 't de twiede kern vaan Haors aan de Maas.
't Dörp hètde oorsprunkelik allein Vors(t); Gröbbe waor de naom vaan 't bijligkend kestiel. Allewijl is dit de rewien 't Gebroke Slot. D'n oersproonk vaan hierlikheid en dörp goon trök tot de vreug Middeliewe en sjriftelike brónne euver d'n oorsproonk oontbreke. Me is daan ouch op arsjeologisch werk aongeweze, wat beveurbild heet aongetuind tot me veur de parochiekèrk vaan 1415 in Grevors al zeker zes ander kèrke heet gebouwd.
De hierlikheid Gröbbe woort in 1311 door Reinoud vaan Gelder gekoch. Aonvenkelik reikde ze vaan Árse tot en mèt Venlo (toen nog e dörp). Grevors waor veur de helf in hen vaan de hiere vaan Gröbbe; dit doort tot in 1755 de markies vaan Gebrook ouch de res vaan 't dörp opkoch.
Nao 1815 woort Grevors 'n gemeinte, boe ouch 't dörp Lottem bij huurde. In 1944 woort bij gevechte de kèrk vaan 't dörp verweus, die de reste vaan zes awwer kèrke (zuug bove) bloetlag. De huiege, achste, kèrk stamp oet 1952 en woort oontworpe door Alphons Boosten. In 2001 woort de gemeinte Grevors opgeheve en bij Haors aan de Maas ingedeild.
