Sint-Joost-ten-Node

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

Liegking van Sint-Joost-ten-Node in 't Brussels Hoofsjtaejelik Gewes

Sint-Joost-ten-Node (Frans: Saint-Josse-ten-Noode) ies 'n gemeinte in 't Brussels Hoofsjtaejelik Gewes, mèt 23.536 inweunersj (1 januari 2006). De gemeinte haet 'n oppervlak van 1,14 km² en ies daomèt de kleinste gemeinte van 't gewes en van gans Belsj. Ouch ies 't de diechsbevolkde gemeinte van Belsj, mèt 20.646 inw./km². Sint-Joost-ten-Node haet 'n tamelik groat aantal inweunersj van boetelandse aafkóms (33,27% boetelendersj, 2004). In 2000 waor 't de ermste gemeinte van Belsj (brón: NIS).

Sint-Joost-ten-Node liek tösje de binnesjtad van Brussel (ten zuje) en Schaarbeek (ten noorde). De sjtasie Brussel-Noord liek gedeiltelik op 't gróndgebeed van de gemeinte. Dao-umheen liegke kentoargeboewe en de erm sjtationsbuurt. 't Rogierplein haet väöl luxe hotels en winkelcentra.

De neobarokke Sint-Joostkèrk dateert oet 1865. 't Museum Charlier haet 'n collectie beeldende kuns. In de veurmalige botanische tuin (Kruidtuin of La Botanique) ies 't cultureel centrum van de Franse gemeinsjap gevestig.

[bewirk] Gebore in Sint-Joost-ten-Node

Gemeintehoes van Sint-Joost-ten-Node

• Léon Delacroix, premier van Belsj
• Jan Baptist Houwaert, diechter
• Jean-Baptiste Madou, sjilder
• Albert Michotte van den Berck, psycholoog

Op de pazjena Category:Saint-Josse-ten-Noode van Wikimedia Commons zeen media gerelateerd aan dit óngerwerp te vènje