Sinterklaos (fiès)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Sinterklaos, andere naam veur (Sint Nicolaas), ies 'n volksfiès, dat plaatsvingk op 5 en 6 december in Nederland en Vlaandere. Door emigrante ies ’t in Amerika mètgenómme en door de plaatselike (Ingelsj) sjprekende bevolking euvergenómme es ’t fiès van Santa Claus. Sinterklaos ies 'n folklore, veural veur kinger, die nog 'geluive'.
[bewirk] Folklore
Naodat de intoch in land, sjtad of dörp ies gewaes maoge de kleinekes saoves hunne sjoon zètte. Dao-in zölle ze dan sjmörges sjloek of 'n klein cadeautje vinge, gebrach door Sint of Piet. De daag veur of op ziene fièsdaag deilt Sinterklaos cadeautjes oet of lièt ze bezörge in 'ne zak.
Dao weure traditioneel Sinterklaosleedsjes gezónge. Sinterklaos riejt op 'n wiet peerd (sjummel) euver de dake en weurt geholpe door ziene knech Zjwarte Piet. In 't gans gebeure weurt ouch 'n pedagogisch element verwèrk: 'sjtoute kinger' zölle ze gerammeld kriege mèt de roe van Zjwarte Piet en Sinterklaos maak aanteikeninge euver ederein in zien diek book en zal dat ouch ter sjpraoke bringe.
5 December saoves vingk de pekskesaovend plaats. Groate luuj geve ziech ónder ein (fop)cadeautjes en surprises, dèks vergezeld van Sinterklaosgediechte. Op 6 december, de verjäördaag van de Sint geneump, vinge kinger cadeautjes in hunne sjoon.
[bewirk] Sinterklaossjloek
Veurbeelde van traditionele Sinterklaossjloek zint: marsepien, bankètsjtaaf of -lètter, chocoladelètter, pepernote, kroednote, peperkokemennekes (taaitaai), sjuumkes, sjpeculaaspoeppe en mandariene (eppelkes van oranje).
[bewirk] Verwante persone
Santa Claus en kaersjman.
