Sjinees
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Sjinees is de samevattende benaoming veur alle dialekte die met 't Sjinees karaktersjrif wiergegeve kinne weure. Samegenome weure dees dialekte door bekaans alle Sjineze gesproke, dat is eine mins op de vief. de versjèllende dialekte zien oonderein neet of koelik te verstoon en vörme daodoor eigelik aparte taole. Op pepier evels kinne alle geletterde Sjineze mèt ein communicere.
't Sjinees is 'n zuver isolerende taol: dat wèlt zegke eder woord is 'n wortel op ziech en kin neet door grammaticaal betrèkkinge veranderd weure. 'n Aander, bekinder aspek vaan 't Sjinees is de mietonegheid. 't Lèmburgs kint dat principe mèt twie toene, meh 't Sjinees heet 'rs mie. 't Manderien-Sjinees (oonder mie 't dialek vaan Peking) heet 'rs veer of vief, 't Kantonees (o.m. in Shanghai gesproke) en 't klassiek Sjinees höbbe 'rs wel ach of nege.
 |
D'r is 'n Sjinese editie van Wikipedia, de vriej encyclopedie. |
