Vlorp
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Vlorps, as te dit dialek sjpriks.
Vlorp (ouch Vlórp, Nederlands Vlodrop) is e dörp aon de Duitse grens in de gemeinte de Roerdale.
Neve de dörpskóm Vlórp besteit de kern ouch oet 't gehöch Vlórp-Sjtatie en de naobersjap Etsberg. In 't boetegebeed ligk ouch 't Nationaol Park De Meinweg, mèt de residentie vaan de Maharishi Mahesh Yogi en 't veurmaoleg St.-Ludwigscolleesj.
Vlórp weurt in 943 in 'n oorkunde vaan d'n Utreise bisjop Balderik veur 't iers geneump, es plaots in 't stif vaan Berg (Sint-Odiliënberg). Vaanaof 1277, wie dat stif opgeheve woort, vörmden 't ein parochie mèt Postert; in datzelfde jaor woort ouch de sjepebaank veur Vlórp en Postert same opgeriech. Same mèt vief ander sjepebenk besteurde die 't Amb Mofert en kaom 't dörp in lein bij d'n edelmaan Reinoud van Gelder.
Tot 1991 waor Vlórp 'n zelfstendege gemeinte, tot ze dat jaor bij Melik en Herkebosj gevoog woort; die gemeinte woort in 1993 herneump tot Roerdale.
