Amb Mofert (bestuursdistric)
Van Wikipedia
- Dit artikel is gesjreve in 't Moferts. 't Weurt gewaardeerd óm in dit artikel 't Moferts aan te haje.
`t Amb Mofert is ontstange wie de Hieërlikheid Mofert euver ging nao `t Graafsjap Gelder. Op 4 augustus 1277 sjónk Hendrik van Gelder de Hieërlikheid Mofert aan ziene naef Reinoud I van Gelder, ónger veurbehaad van vruchgebroek. Vanaaf det moment besteit `t Amb Mofert es bestuursdistric in `t Euverwarteer van Gelder. `t Amb bestóng doe oet De Nuujsjtad en de stad Lin en de dörpe Ech, Vlorp, Roostere, Postert en Berg ane Roer. In de breve wo-in Hendrik van Gelre aafstandj duit van zien bezittinge weurd de plaats Mofert nag neet geneump.
