Carl Porta
From Wikipedia
Carl Porta, (Milan, 15 de giugn 1775 - 5 de genar 1821) l'è staa on poeta milanes.
Fieou del Giusepp e dela Viulant Gottieri, el Porta l'ha studiaa a Monza fina al 1792 e poeu al seminari de Milan. In del 1796, cunt l'ariv di francees, el sò pader l'ha perduu el laur e l'ha mandaa el Carlet a lauraa a Venèzia in del fradell, in dove el s'è fermaa fina al 1799. Del 1804 a la mort, che l'è stada e 5 de genar del 1821, el Porta l'ha lauraa cume impiegaa stadal prima sòta i frances e poeu sòta el Règn Lombard-Vènet. In del 1806 l'haa sposaa la Vincenza Prevosti.
Tra i soo oper pusè important se regordan 'I desgrazzi del Giovannin Bongee' scrivuda in del 1810, 'El lament del Marchionn di Gamb'avert' del 1816 e quel che per molta gent l'è el soo ver capulavur, La Ninetta del Verzee del 1815.
L'è consideràà el magior poeta dialettal milanes, e anche se l'è nò el pader de sta lengua (titol ch'el spetta al Bonvesin de la Riva), el sò milanes l'è quel ch'el vegn usà per scriv anca al dì d'incoeu.
