Marmont
From Wikipedia
 |
Cheest artícul al è scrivüü in milanees, urtugrafía clàssica. |
August Marmont (1774 - 1852) l'era on ofizial de artijeria e l'haa combatuu a Tulun e a Mainz prima de vess ciamaa del Napuleoon per la campagna d'Italia del 1796 e poeu in quèla d'Egitt in dove l'è staa promovuu General. In del 1800 l'haaciapaa part in de la bataja de Marengo, in del 1804 l'è staa promovuu Maresciall e l'ann dopu l'era al comand del segund corp d'armada che l'haa combatuu a Ulm.
Spedii in Dalmazia l'è staa fatt 'Duca de Ragusa' (Dubrovnich) per avee casciaa foeura i russ de la citaa.
In del 1809, dopu de la bataja de Wagram, l'haa combatuu contra ij austriach che se ritiraven risciand gross; l'è staa salvaa de l'arriv dj rinforzi.
In del 1811 el combateva in Portugall e Spagna, e l'è staa ferii in de la bataja de Salamanca; l'è tornaa a combatt in del 1813 e l'haa ciapaa part aj bataj de Lutzen, de Bautzen, de Dresda, de Lipsia e de Hanau. L'ann dopo l'haa ben combatuu in de la Campagna de Francia ma l'è staa criticaa per la scunfita de Laon. Insèma al Moriter e al Moncey l'è staa in fra quej che s'iin arès aj lea, e durant i cent dì l'e staa fedel al Re Luis XVIII.
Dopu de Waterloo l'è staa in fra quej che hann votaa per faa fusilaa el Ney. Dopu de la rivoluzion del 1830 l'è staa costrett a l'esili e l'è pù sta bon de tornaa in Francia, in dove che el sò nòm l'è divegnii sinonim de tradidur.
