Alveolarer Tap

Us der alemannische Wikipedia, der freie Dialäkt-Enzyklopedy

Stimmhafter alveolarer Tap/Flap
IPA – number	124
IPA – Zeiche	ɾ
IPA – image
Teuthonista	r
X-SAMPA	4
Kirshenbaum	*
Hörbiispiil (Hilfe·info)

E alveolarer tap oder flap isch e Konsonant wo i mangi Sproche vorchunt, als volles Phonem aber sältener isch. Im Internationale Phonetische Alphabet wird de Luut miteme ɾ doogställt, des Zeiche stoht glychzitig au für de dentale un postalveolare Tap.

[ändere] Merchmool

• S'isch e Flap oder Tap; er wird erzeugt indäm d'Zunge eimol gäge de Artikulatiosort schloot. Zwüsche de Begriff flap un tap wird meischtens nüt unterschiede. Wenn e Unterscheidig gmacht wird, wird dr Unterschied zwüchenem Flap uneme Tap so bschrybe dass e Tap am glyche Artikulatiosort aafängt un ändet, während bimene Flap d'Zunge amene andre Artikulatiosort ändet ^[1].
• S'isch e alveolarer Konsonant; er wird durch ei Schloog vo dr Zunge gäge d'Alveole produziert.
• D'Phonation isch stimmhaft; er wird produziert während glychzitig d'Stimmbänder vibriere.
• S'isch e Oraler Konsonant; d'Luft entwycht durch de Mund.
• S'isch e zentraler Konsonant; dr Luftstrom gangt über d'Mitti vo dr Zunge, aastatt um d'Syte.
• S'isch e egressiver Konsonant; er wird durch s'Ussatme durch d'Lunge erzeugt während d'Glottis gschlosse blybt.

[ändere] Verbreitig

• Im Alemannische isch dr Tap ei Ussprochmöglichkeit vum Zungespitze-r. S'/r/ cha entweder als Flap oder als Vibrant usgsproche werre, beidi Luut sin i freier Variation. Wenn s'/r/ als Zäpfli-r usgsproche wird chömme no dr stimmhafte uvularer Approximant [ʁ̞] un dr uvulare Vibrant [ʀ] dezüe. Byspiil: “Sprooch”: [ʃprɒx], [ʃpɾɒx], [ʃpʁ̞ɒx], oder [ʃpʀɒx].
• Im Spanische isch dr Tap s'einzelni <r> zwüsche zwei Vokäl. Im Spanische gits e Kontrascht zwüschem Alveolare Tap (mit eim Zungeschloog) unem Alveolare Vibrant (mit mehreri Zunegschläg): pero (“aber”- mit eim Zungeschloog) un perro (“Hund”).
• Im nordamerikanische Änglisch als Allophon vo /t/ un /d/ inere unbetonte Silbe wo nüt am Aafang vum Wort stoht: city (Stadt) [sɪɾi], rider (Reiter) [ɹaɪ̯ɾɚ] oder letter (Brief) [lɛɾɚ]. Im australische Änglisch chunt die Ussproch au vor. Im Änglische hört sich de Tap meh wie e “d” aastatt eme “r” aa.
  • Im Schottische Standard-Änglisch wird s'/r/ mangmol als Tap usgsproche, öfters allerdings als e Alveolarer Approximant (wie au sunscht im Änglische).
• Im Katalanische ischs ähnlich wie im Spanische; usserdäm wird s’<r> am End vumene Wort un i Konsonantehuufe als Tap ussgsproche: pare, tres.
• Im Portugiesische ischs glych wie im Spanische: caro (tüür) un carro (Auto).
• Im Zaza, enere kurdischi Sproch wird ebefalls e Tap vum Vibrant unterschiede: pere „Gäld“ un perre „Flügel“.
• Im Albanische wird s’/r/ meischtens als Tap mit eim Zungeschloog usgsproche. De Tap stoht im Albanische im Kontrascht zum alveolare Vibrante, wie im Spanische: “tre” (drei) ([tɾɛ]) un ri (neu, jung (männlich)) [ɾi] aber rri (pressiere) – [ri].
• Im Maori isch dr Tap d'normali Ussproch vum /r/.
• Im Schottisch-Gälische wird s'<r> oft als Tap ussgproche, mangmol au als Vibrant.
• Im Italienische cha s'/r/ zumene Tap reduziert werre wenns kei doppel-Konsonant isch.
• Im Hausa stoht dr Alveolare Tap im Kontrascht zumene Retroflexe Flap: /baɽa/ (Diener) un /baɾa/ (bettle).

1. ↑ Rogers, Henry (2000). The Sounds of Language. Pearson Educated Limited. Essex, England. Syte 221

Konsonante

Lueg au: IPA, Vokale

Pulmonale Bilabial Labiodental Dental Alveolar Postalv. Retroflex Palatal Velar Uvular Pharyngal Epiglottal Glottal stl. sth. stl. sth. stl. sth. stl. sth. stl. sth. stl. sth. stl. sth. stl. sth. stl. sth. stl. sth. stl. sth. stl. sth.   nüt-pulmonischi Zeiche Nasal m ɱ n ɳ ɲ ŋ ɴ  Schnalzluut  ʘ ǀ ǃ ǂ ǁ Plosive p b • • t d ʈ ɖ c ɟ k ɡ q ɢ ʡ ʔ  Implo­siv  ɓ ɗ ʄ ɠ ʛ Frikativ ɸ β f v θ ð s z ʃ ʒ ʂ ʐ ç ʝ x ɣ χ ʁ ħ ʕ ʜ ʢ h ɦ  Ejektiv  pʼ tʼ kʼ qʼ sʼ    Approximante    β̞ ʋ ɹ ɻ j ɰ ʁ̞ andri Laterale  ɺ ɫ Vibrante ʙ r • ʀ • Co-artikulierti Approximante  ʍ w ɥ Flap/Tap • ѵ ɾ ɽ • co-artikulierti Frikativ  ɕ ʑ ɧ Laterale Frikative ɬ ɮ • • • Affrikate  p̪f ʦ ʧ ʤ kx Lateral Approximante l ɭ ʎ ʟ