Chur

Us der alemannische Wikipedia, der freie Dialäkt-Enzyklopedy

Khûr isch a Schtatt in dar Schwizz. "Khur" isch dia Tütsch Bezaichnig, "Cuera" odar "Cuoira" dia Românisch und Coira dia Italienisch

Khûr isch t Hauptschtatt vom Khantôn Graubünda.

Khûr het 35'000 Iiwonar. Ggreedati Schprôcha sind vor allem Alemannisch, Italienisch und Românisch.

Inhaltsverzeichnis 1 Gschicht 2 Geografii 3 Würtschaft 4 Weblinks

[ändere] Gschicht

Khûr isch dia eltischt Schtatt vur Schwizz. Die eerschta Füürschtela söland vu 11'000 vor Christus sii. T Röömar sind im Jôr 15 v. Chr. iimarschiart und hend a paar Hüüsar und a Rössarwäggslschtell für t Splüügaschtrôss paut. Schpöötischtans sit am Jôr 451 hets z Khur an Bischof. Im Mittalaltar hets immar öppa 1'200 Seela innerhalb vu da Schtattmuura kha. Erscht ab 1858 mit am Isabaanbau Roorschach-Khur isch t Schtatt rasant ggwaggsa. Dua isch au dia aalt Schtattmuura abgrupft khoo. Vu 1970 bis öppa 1990 hät Khûr immer öppa 33'000 Iiwooner ghaa. Nohana het's denn a Huufa Zuazüüg ggee. Endi 2006 sind's mee als 35'000 Iiwooner gsii.

[ändere] Geografii

Khûr liit grad döt im Khûrer Rhiital, wo dr Rhii vum Oberland här a Khnigg noch Norda macht. D'Schtatt isch uffam Schuttkheegl vur Plessur paut. Dia flüüsst vu Arosa här ds Schamfigg aaba tiräggt dur Khûr in da Rhii. Dia höggschta Bärga zringumm sind im Nordweschta dr Calanda, im Oschta dr Montalin und im Süüda dr Dreibündaschtai. D'Nochbergmainda sind im Nordweschta Haldaschtai, im Weschta Feldschpärg, im Südweschta Domat/Ems, im Süüda Malix und Khurwaalda, im Oschta Malooders und im Norda Trümmis.

[ändere] Würtschaft

Z'Khûr het's a paar Induschtriibetriib, Bangga, Versihariga und a Huufa Khliigwärb. Puurabetriib het's fasch khaini mee, und au Räbbärga sind nu no wenig.

[ändere] Weblinks

• Khûrer Sitta
• Khûrer Turismussitta