Jean-Jacques Challet-Venel
Us der alemannische Wikipedia, der freie Dialäkt-Enzyklopedy
 |
Dialäkt: Züridütsch (See) |
De Jean-Jacques Challet-Venel (* 11. Mai 1811; † 6. August 1893), vo Genf, isch en Schwiizer Politiker (FDP) gsii.
De Jean-Jacques Challet-Venel isch in Genf als Sohn vomene Uhrmacher gebore worde. Er hät 1830 es Literaturschtudium abgschlosse und hät denaa in Genf als Lehrer gschaffet. Er hät d Tochter vom Gründer vo dr Schuel ghüüratet, wo ihn beschäftiget hät und ich churz druuf zum Direkter beförderet worde.
1854 isch de Challet-Venel in Genfer Grossrat gwählt worde. Aafangs isch er in Opposition zu de Radikale um de James Fazy gschtande, doch er hät d Siite gwechslet und isch 1857 in Nationalrat und nomal es Jahr schpäter i d Genfer Kantonsregierig gwählt worde.
1864 hät d Bundesversammlig de Jean-Jacques Challet-Venel im Sechste Wahlgang zum Bundesrat gwählt.
Als Bundesrat hät sich de Challet-Venel dur e umsichtigi und schtraffi Amtsfüehrig uuszeichnet. Er isch letschtendlich aber über siini Überzüügige gschtolperet. Siini Ablehing vo dr Totalrevision vo dr Bundesverfassig, wo er als härtgsottene Föderalischt als zu zentralistisch beurteilt hät, hät wesentlich dezue biitreit, dass er im Dezember 1872 zugunschte vom Eugène Borel abgwählt worde isch.
Während siinere Amtsziit isch er de folgende Departement vorgschtande:
- 1864-1867: Finanzdepartement
- 1868: Poschtdepartement
- 1869: Finanzdepartement
- 1870-1872: Poschtdepartement
[ändere] Weblinks
| Vorgänger Giovanni Battista Pioda |
Mitgliid im Schwiizer Bundesrat 1864-1872 |
Nachfolger Eugène Borel |
| Persoonedaate | |
|---|---|
| NAME: | Challet-Venel, Jean-Jacques |
| ALTERNATIVNAMEN: | |
| KURZBESCHREIBUNG: | Schweizer Politiker (FDP) |
| GEBURTSDATUM: | 11. Mai 1811 |
| GEBURTSORT: | |
| STERBEDATUM: | 6. August 1893 |
| STERBEORT: | |
Dr Artikel basiert uf ´ra freie Ibersetzung vum Artikel „Jean-Jacques Challet-Venel“ us dr dytsche Wikipedia. E Lischte mit de dörtige Autore kasch dörte aluege
