Wilhelm Matthias Naeff
Us der alemannische Wikipedia, der freie Dialäkt-Enzyklopedy
 |
Dialäkt: Züridütsch (See) |
De Wilhelm Matthias Naeff (* 19. Februar 1802; † 21. Januar 1881) us Altschtätte, SG, isch en Schwiizer Politiker (FDP) gsii.
De Naeff isch i e altiigsesseni Rhytaler Familie inegebore. Bereits siin Vater isch en politisch iiflussriiche Chaufmaa gsii. Er hät Recht in Heidelberg gschtudiert und nach siinere Rückchehr i d Schwiiz isch er bald i d St. Galler Kantonsregierig gwählt worde. De Naeff selber hät nöd i d Usenandersetzige zwüsched de Liberale und Konservative iigriffe, wo damals d Schwiiz beherrscht händ. S Rhytal isch e Hochburg vo de Liberale gsii und so hät sich de Naeff chönne uf siini Aahängerschaft verlaa.
De Naeff hät zu dr Siebnergruppe ghört, wo d Bundesverfassig vo 1848 iisgschaffet händ und isch dänn am 16. November 1848 in Bundesrat gwählt worde. Dem hät er während 27 Jahr aaghört, wesentlich länger als siini damalige Amtskollege.
De Naeff hät i siinere langaaduurende Amtsziit meeh und meeh a Iifluss verlore und a ihm hät dr Ruef vomene Langwiiler ghaftet. Verschideni Beschtätigungswahle hät er nur mit knappe Mehrheite überschtande. Am 31. Dezember 1875 isch er schliesslich zruggträte.
Während siinere Amtsziit isch de Wilhelm Matthias Naeff de folgende Departement vorgschtande:
- 1848-1852: Poscht- und Baudepartement
- 1853: Politischs Departement
- 1854: Handels- und Zolldepartement
- 1855-1859: Poscht- und Baudepartement
- 1860-1866: Poschtdepartement
- 1867-1872: Handels- und Zolldepartement
- 1873: Finanz- und Zolldepartement
- 1873: Iisebahn- und Handelsdepartement
- 1874-1875: Finanz- und Zolldepartement
Er isch Präsident gsii im Jahr 1853 und Vizepräsident im Jahr 1852.
| Vorgänger --- |
Mitgliid im Schwiizer Bundesrat 1848-1875 |
Nachfolger Fridolin Anderwert |
| Persoonedaate | |
|---|---|
| NAME: | Naeff, Wilhelm Matthias |
| ALTERNATIVNAMEN: | |
| KURZBESCHREIBUNG: | Schweizer Politiker |
| GEBURTSDATUM: | 19. Februar 1802 |
| GEBURTSORT: | Altschtätte, SG |
| STERBEDATUM: | 21. Januar 1881 |
| STERBEORT: | |
Dr Artikel basiert uf ´ra freie Ibersetzung vum Artikel „Wilhelm Matthias Naeff“ us dr dytsche Wikipedia. E Lischte mit de dörtige Autore kasch dörte aluege
