Muettersproch-Gsellschaft
Us der alemannische Wikipedia, der freie Dialäkt-Enzyklopedy
D Muettersproch-Gsellschaft – kurz MSG – isch en Verein, wo sich zum Ziel gsetzt hät, d alemannische Mundart z pfläge und z erhalte. Über 3.500 Mitglieder us em ganze alemannische Sprochraum, also Elsass, Schwiiz, Vorarlberg - bsunders aber us Südbade sin bi de "MSG" Mitglied. Un usserdäm Verstreiti us Europa un Ibersee. Die Gsellschaft gieht's scho sitt 1967, nebbe de "normale" Mitglieder sin die meiste Autore und Liedermacher, wo uf Alemannisch schriebed do au debii.
Inhaltsverzeichnis |
[ändere] Regionalgruppe
D Muettersproch-Gsellschaft hät etz in Südbade 21 Regionalgruppe, wo selber für unsere Muettersproch ebbis dünend - sie s Dichterlesunge, Vorträg, Stroßeständ oder Feschtle. Jeder wo bi de MSG Mitglied isch und im Bereich vunere Regionalgruppe wohnt, ghört dert automatisch au dezue.
[ändere] Zentrali Aktivitäte
- D MSG het verschiidini Anthologiä rüsgää (Gedicht-Sammlunge, wu verschiidini Autore drin sin).
- E große Ränner isch s Bäpperli "Bi uns cha me au alemannisch schwätze" gsii (ab 1975).
- 1982 sin 37 000 Unterschrifte fir "Meh Mundart bi Funk un Fernseh" gsammlet wore.
- D MSG het verschiidini Wettbewerb organisiärt zum s Schaffe im Dialäkt z ferdere - so z.B. 2004 "Mir sueche die Beschte", e Lyrik- un Prosa-Wettbewerb, wu zämme mit dr Badische Zittig un em Südweschtrundfunk gmacht wore isch.
- S wäre Seminar verastaltet, wus um Dichtung, Ufdrätte in dr Effentligkeit un anderi Sache goht. Do diän sich intressiärti Mitgliider ihre Kenne verbessere.
- Dr Vorstand git d Zitschrift Alemannisch dunkt üs guet rüs, wu alli halb Johr an d Mitgliider verschickt wird.
Dr Klaus Poppen, wu vu 1972 bis 2002 Präsi (Vorsitzer vum Vorstand) gsii isch, het d Gsellschaft stark mitbrägt. Är het d Inträsse vum Alemannische uf em stille Verhandlungswäg verdrätte, politischi Konfrontation het er vermiide.
[ändere] Broblem
Im Zämmehang mit dr Dialäktwälle in dr 70er Johr un dr Anti-AKW-Bewegung um Wyhl ischs zu nere Frontebildung kumme, wu dr MSG-Vortstand dr Dialäkt as Mittel vu dr Politik abglähnt het - d Bewegung het s Gegedeil verträtte. Do drzue e Gleich.
D MSG het vor allem elteri Mitgliider. Im Vorstand un in viile Mitgliider isch aber glar, ass e Sproch vu dr Jugend mueß witerdrait wäre. Wäge däm sind verschiidini Asträngunge unternumme wore - vu Jugendwettbewerb bis zum Iisatz vu Rockmüssik. Do drzue e Gleich, wu zeigt, wiä des wirkt. D MSG wird vu Junge un Halbjunge gärn as Forum gnutzt, wus meglig macht, ass si ihrini alemannische Sache kenne präsäntiäre.
[ändere] Literatür
- Alemannisch dunkt üs guet, Heft I/II 2002 (zu dr Gschicht vum Verein).
- Welewäg selleweg. Eine Anthologie mit Texten von 33 zeitgenössischen Mundartautoren aus Baden. Rüsgäber: Muettersproch-Gsellschaft. Gutach 1996.
