Mythologie

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Mythologi«

D Mythologi isch di syschtematischi Beschäftigung mit de Mythe, seig das in literarischer, wüsseschaftlicher, mystischer oder religiöser Form. Mythologie isch somit meeh als nur d Gsamtheit vo de Mythe vomene Volch, ere Region oder ere soziale Gruppe. Sehr hüüfig wird dr Begriff aber genau so verwendet, als Gsamtheit vo de Mythen nach dr Zueghörigkeit zunere Kultur bzw. Region. Denebed chann mer au Mythe zu verschiedene Theme kulturübergriifend, sprich syschtematisch, behandle. Es ergänd sich dänn Underteilige wie z.B. Landschaftsmythologi, Aschtralmythologi, Zahlemythologi, Eschatologi.

D Mythologie beschäftiget sich aber au mit dr Fraag nach dr Herkunft vo de Mythe und dene ihres Verhältnis zu andere Erzählforme wie Legende, Märli, Saage. Bsunders Märli werded mitunder als degradierti Mythe aaglueget. D Entwicklig vo de Mythe als erzählerischi Gattig und au dene ihri Transformation zu Märli isch Gegeschtand vo dr Narratologie. D Entstehig vo Mythen isch au Gegeschtand vo dr Psychologie, bsunders dr einscht moderne Völkerpsychologi.

Wil dr Gegeschtand vo de Mythe gmeinhii religiös gseeh wird, isch d Erforschung eng mit dr Religionsgschicht verbunde. Informatione us Mythe sind wichtig zur Rekonschtruktion vo religiöse Vorschtellige, wo mängisch Inhalt vo underschiedliche mythologische Urschprüng zumene Syschtem verbinded.

Zentrali Theme i dr Mythologie sind d Erschaffig vo dr Welt (Schöpfigsgschicht) und Prozess vo dr Zerschtörig und Erneuerig (z.B. innerhalb vo dr Natur, Widergeburt), hüüfig in Verbindig mit em Kampf vo underschiedliche Mächt (sowohl konkreti Göttergschtalte, Himmel und Erde, als au abschtrakti, wie guet und böös, hell und dunkel) und di gegesiitig Überwältigung.

[ändere] Literatur

Der psychologische Mythos. Kurt Derungs, Edition Amalia, 1996, ISBN 3952076465
Die Enzyklopädie der Mythologie. Klassisch, keltisch, nordisch. Arthur Cotterell, EDITION XXL, ISBN 3-89736-300-3
Lexikon der abendländischen Mythologie Otto Holzapfel, Herder Spektrum, ISBN 3451055007
Carl Gustav Jung und Karl Kerényi: "Einführung in das Wesen der Mythologie", Walter-Verlag 1999, ISBN 3-530-40061-0
Karl Kerényi: "Die Mythologie der Griechen - Die Götter- und Menschheitsgeschichten", dtv, ISBN 3-423-30030-2
Michael Grant und John Hazel: "Lexikon der antiken Mythen und Gestalten", dtv, ISBN 3-423-32508-9
Robert von Ranke-Graves: "Griechische Mythologie - Quellen und Deutung", rororo, ISBN 3-499-55404-6
Robert von Ranke-Graves: "Die Weiße Göttin - Sprache des Mythos", rororo, ISBN 3-499-55416-X
Roland Barthes: "Mythen des Alltags." edition suhrkamp, 1964, ISBN 3-518-10092-0
Joseph Campbell: "Die Masken Gottes", (vier Bände), DTV 1996, ISBN 3423590343
Joseph Campbell: "Der Heros in tausend Gestalten", Insel 1999, ISBN 3458342567
Christoph Jamme: "Gott an hat ein Gewand - Grenzen und Perspektiven philosophischer Mythos-Theorien der Gegenwart", Suhrkamp 1999, ISBN 3518290339
Heinrich Zimmer: "Indische Mythen und Symbole", Diederichs 2000, ISBN 3424006939
Monika und Udo Tworuschka: Als die Welt entstand..., Freiburg i. Br. 2004.