Windisch
Us der alemannische Wikipedia, der freie Dialäkt-Enzyklopedy
Wappe | |
---|---|
|
|
Basisdate | |
Kanton: | Aargau |
Bezirk: | Brugg |
BFS-Nr.: | 4123 |
PLZ: | 5210 |
Koordinate: | 47° 29' n. Br. 8° 13' ö. L. |
Höchi: | 357 m ü. M. |
Flächi: | 4.91 km² |
Iwohner: | 6'834 (31. März 2006) |
Websyte: | www.windisch.ch |
Charte | |
|
Dialäkt: Aargauerdüütsch |
Windisch isch e Gmeind im Bezirk Brugg im Kanton Aargau in de Schwiiz. De Ort isch bekannt weil d'Römer s gröschte Legionslager nördlich vo de Alpe gha hei: Vindonissa. Ausserdem isch au s Chloschter Königsfälde berüehmt.
[ändere] Geographie
De Gemeind liegt zwische de Aare im Norde un de Rüüs im Oschte. Sie het mehreri Ortsteil, die im 19. un im frühe 20. Jahrhundert zämme gwachse sin. Uf enem schmale Hügelsporn über e re Flussschlaufe vo de Rüüs, ugfähr zwei Kilometer vo de Mündig i d Aare, isch de Kirchweiler. Uf de Halbinsle öschtlich devo, ugfähr vierzig Meter tüfer, liegt de Dorfteil Unterwindisch. Weschtlich vom Hügelsporn isch e flachi Ebeni mit dem Oberdorf, zu dem d Ortsteil Oberburg un d Klosteralage vo Königsfelde gehöre. D Gemeind isch 491 Hektare gross, davo sin 120 bewaldet und 211 Hektare überbaut. Die höchscht Stell vo Wendisch isch s Hohe Hölzli (468 Meter), die tüfschti isch bim Zämefluss vo de Aare un de Rüüs (328 Metern). Nachbargemeinde sin Brugg im Weschte un Norde, Gäbischtorf un Birmischtorf im Oschte, Mülige im Südoschte un Huse im Süde.