Brahmā
De Biquipedia
Brahmā (literalment 'eboluzión' u 'desarrollo' en idioma sanscrito ब्रह्मा) ye o dios creyador d'o induismo, e miembro d'a Trimurti ('tres formas'), a trinidat formata por Brahmā (dios creyador), Viṣṇu (dios mantenedor) e Śiva (dios estrutor).
Seguntes una falordia, los tres surtioron d'o güego cosmico meso por o dios Ammavaru. Seguntes atra falordia más moderna, d'orichen vaisnava (d'os seguidors de Viṣṇu), Brahmā surtió de una flor de loto que flotaba en l'ozián d'o melico de Viṣṇu dormient (que chenera a existenzia de l'uniberso por meyo d'os suyos suenios). Anque talment a más antiga falordia ye la que diz que Brahmā ye o primer ser creyato por o Brahman, e a primera personificazión de l'absoluto Brahman, por meyo d'a cuala o Brahman creya tot.
