Telebisión

De Biquipedia

A telebisión (TB) ye un sistema de telecomunicazión t'a transmisión e recullida d'imachens (en mobimiento) e soniu ta distanzia.

Ista transmisión puede estar efeutuata á trabiés d'undas de radio u per retes espezializatos de telebisión per cordón. O rezeutor d'as zeñes ye ro telebisor.

A parabra "telebisión" ye un ibriu d'a boz griega Tele (distanzia) e ra latina visio (bisión). O termín telebisión se rezenta ta toz l' aspeutos de transmisión e programazión de telebisión. A begadas s'alcorza como TB.

[editar] Istoria

[editar] Primers desembolicatos

Os primers intentos de transmitir imachens á distanzia se reyalizan meyián a eletrezidá. Tamién s'aprobeita ra carauteristica d'o selenio de que o suyo resistibidá baría seguntes a luz que inzide en er. As teunicas alazetals que se pretenden emplegar son o mosaico de deteutores de selenio y a esplorazión u barrido d'a imachen.

• 1884 - O estudián alemán Paul Nipkow diseña y patenta o que ye considerato como primer traste de telebisión d'a istoria: o disco de Nipkow.
• 1897 - Karl Ferdinand Braun construye ro primer tubo catodico.
• 1900 - Perskyi enfalca ra parabra "telebisión" n'a Esposizión Unibersal de París.
• 1907 - O diseño de Nipkow puede lebar-se á cabo.
• 1911 Rosing e Zworykin creigan un sistema de telebisión, con imachens muito crudas e sin mobimiento.
• 1923 – Vladimir Zworykin desembolican o iconoscopio, o primer tubo de cambra prautico .
• 1926 – O chaponés Kenjito Takayanagi reyaliza ra primera transmisión de telebisión emplegando un tubo de rayos catodicos .
• 1927 – Philo Farnsworth reyaliza en San Francho ra primera contrimuestra publica d' o suyo disector d' imachen, un sistema parellán t'o iconoscopio .
• 1927 – John Logie Baird transmite una siñal 438 milla a trabiés d' una ringla de telefón entre Londres e Glasgow .
• 1928 – Baird Telebision Development Company consigui ra primera siñal de telebisión transatlantica entre Londres e Nueba York.
• 1929 – BBC transmite imachens de 30 ringlas formatas mecanicamén .
• 1932 – Benditos en Inglaterra 10.000 rezeptors de telebisión con disco Nipkow de 30 ringlas.
• 1937 – Marconi - EMI comerzializan un sistema de 405 ringlas de raso eletrico.

O estudián alemán Paul Nipkow desembolicó y patentó ro primer sistema de telebisión eletromecanico en 1884. O disco de Nipkow ye reconoxito como ro primer rasterizator d'imachen de telebisión. De toz modos, no estió dica 1907 cuan o desembolico d'a teunolochía de tubos d'amplificazión fazié ro diseño prauticable. Mientres tanto, Constantin Perskyi enfalcó ra parabra "telebisión" en o testo leyito n'o Congreso Internazional d'Eletrezidá mientres a Feria Internazional de París o 25 d'agosto de 1900. O testo de Perskyi rebisaba ras teunolochías eleutromanneticas esisténs, ementanto ro treballo de Nipkow e atros.

En 1911, Boris Rosing e ro suyo estudián Vladimir Kosma Zworykin creyoron un sistema de telebisión que rayalizaba ro barrido meyán un mirallo-tambor ta transmitir, en parabras de Zworykin, "imachens muito crudas" a trabiés d'o tubo eleutronico Braun (tubo de rayos catodicos) en o rezeutor. O mobimiento d'as imachens no yera fesable perque n'o escaneato "a sensibilidá no yera pro y ra zelula de selenio se ranzoniaba". Tiempo dimpués, Zworykin se'n estió ta treballar con RCA ta construyir una telebisión puramén eleutronica, cualo diseño estió acusato barias begadas de biolar as paténs de Philo Taylor Farnsworth. A soluzión dezisiba, a d'una telebisión operando denzima os alazez d'una emisión d'eleutrons contina con acabaladura y almadazenaxe d'eleutrons secundarios fotatos mientres tot o ziclo de escaneato, estió descrita per primera begada per o imbentor ongaro Kálmán Tihanyi en 1926, con una bersión arrefinada que patentó en 1928.

O 25 de marzo de 1925, o imbentor escozés John Logie Baird ofrió una contrimuestra d'a silueta d'una imachen telebisata n'o Selfridge's Department Store en Londres. Pero como ra telebisión se definía como ra transmisión d'imachens bibas, en mobimiento y con tonalidá, e no simplamén siluetas, Baird archibó ro suyo proyeuto en pribau ro 2 d'otubre de 1925. Dimpués, Baird ofrió ra primera contrimuestra publica d'o funcionamiente d'un sistema de telebisión t'os miembros d'a Royal Institution e ta un periodista ro 26 de chinero de 1926 n'o suyo laboratorio de Londres. T'o contrario que os anteriors sistemas eleutronicos con barios zientos de ringlas de resoluzión, a imachen escaneata berticalmén per Baird, empleganto un disco guarnito con una dople religada de lentes, eba nomás 30 ringlas, chusto ras pros ta reproduzir una cara umana reconoxible. En 1927, Baird transmitió una siñal 438 millas a trabiés d'una ringla de telefón entre Londres e Glasgow.

En 1928, a interpresa de Baird (Baird Television Development Company/Cinema Television) consiguió ra primera siñal de telebisión transatlantica entre Londres e Nueba York.