Unibersidat
De Biquipedia
A Unibersidat (d'o latín universitas, -atis) ye un establezimiento u conchunto d'unidaz educazionals adedicatas á l'amostranza superior e a imbestigazión. L'unibersidat atorga graus academicos e tetulos profesionals.
Contenius |
[editar] Istoria
Se creyan en l'Edat Meya europeya. A primera instituzión d'ista mena ye a Unibersidat de Bolonia, que fará posteriorment de modelo ta zentros educatibos parexitos. Por añadienza s'emplega ta nombrar. en atras culturas, á zentros d'amostranza e reflesión superiors, anque a suya creyazión pueda estar muito anterior á la Edat Meya.
Inizialment eboluzionoron dende o modelo d'as corporazions artesanals e como cuasi tot en a Edat Meya, yeran muy ligada á la Ilesia. Inizialment, s'impartiban as ditas siete artes liberals (o trivium e lo quadrivium):
- Trivium: gramatica, lochica e retorica.
- Quadrivium: aritmetica, cheometría, astronomía e mosica.
d'o cual prozeden as estallos autuals entre diziplinas literarias e zientificas.
[editar] Organizazión
Internament, una unibersidat gosa trestallar-se cheograficament en barios campus, cadaguno en un puesto diferent. Aintro de cada campus bi ha barias facultaz e escuelas unibersitarias (mayoritariament adedicatas á la dozenzia), e tamién laboratorios, departamentos e institutos d'imbestigazión, que pueden compartir una serie d'infraestructuras (biblioteca, salas d'estudeo, chimnasio...). En cada facultat u escuela s'imparten una u barias carreras unibersitarias.
O masimo representant d'una unibersidat ye o retor, que riche a unibersidat con l'aduya de l'equipe de bezi-retors e atros organos: chunta de gubierno, consello sozial, etz.