Niedalånde

De Niedalånde (Niedaländisch: Nederland, Friesisch: Nederlân) san a parlamentarische Monarchie und Teil vom Kenigreich vo de Niedalånde im nördlichn Westeuropa.

Oft werd statt da Bezeichnung Niedalånde aa da Nam Holland hergnumma.

Inhaltsverzeichnis

1 Historie
2 Politik
3 Provinzn und abhängige Gebiete
4 Geographie
5 Wirtschaft
6 Bevölkerung
7 Kultur
8 Weblinks

[dro werkln] Historie

Unter'm Karl V., am Kaiser vom Heiligen Römischen Reich Deitscha Nation und spanischm Kenig, war de Region Teil vo de siebzehn Provinzn vo de Niedalånde, wozua aa a Groaßteil vom heitign Belgien ghert håt. Nach'm Erreicha vo da formelln Unabhängigkeit vo Spanien im Jåhr 1648 san de Hollända, ois Republik vo de Siem Vaeinigten Niedalånde, zua oana vo de greßte See- und Wirtschaftsmächte vom 17. Jåhrhundert worn. Während der Zeit san Kolonien und Handelsposten auf da ganzn Welt erricht worn.

Nachdem as Frankreich vom Napoleon si des Land kurzfristig untan Nagl grißn ghabt håt, is 1815 des Kenigreich Holland entstandn, zua dem aa Belgien und Luxmburg ghet ham; oi zwoa san spada unabhängig worn.

Des Land is im Ersten Weltkriag neutral bliem, im Zwoatn Weltkriag is' im Mai 1940 vo Deitschland bsetzt und erst 1945 wieda befreit worn. Nach'm Kriag håa si de Wirtschaft schnell wieda dahoit. De Niedalånde war Gründungsmitglied vo da Benelux-Wirtschaftsunion und aa vo da NATO und da Europäischen Wirtschaftsgemeinschaft (und damit aa vo da Europäischen Union).

[dro werkln] Politik

De Niedalånde warn vo 1581 bis 1806 a Republik, seit dem End vo da französischen Besetzung im Jåhr 1815 san's a konstitutionelle Monarchie.

Staatsoberhaupt is seit 1980 Kenigin Beatrix vo Oranien-Nassau. Sie ernennt de Mitglieda vo da Regierung, des aba de Mehrheit im Parlament braucht.

Des Parlament (Staten Generaal) besteht aus zwoa Kammern, am Unterhaus (Tweede Kamer, Zwoate Kammer) und da Senat (Eerste Kamer, Erste Kammer).

[dro werkln] Provinzn und abhängige Gebiete

De Niedalånde gliedern si in 12 Vewoitungsregiona und zwoa abhängige Überseegebiete.

Provinzn (nl.: provincies):

Groningen
Friesland im Nordn
Drenthe südlich vo Groningen
Overijssel südlich vo Drenthe
Flevoland am IJsselmeer
Gelderland in da Mittn vom Land, südlich vo Overijssel
Utrecht
Nordholland (Noord-Holland) im Nordwestn
Südholland (Zuid-Holland) südlich vo Nordholland
Zeeland
Nordbrabant (Noord-Brabant)
Limburg an da Grenz zu Belgien.

Di Provinzn san wiederum gliedert in insgesamt 489 Gmoandn (gemeenten).

Dazua ghern de Überseegebiete Niedaländische Antillen und Aruba in da Karibik zum Staatsgebiet.

[dro werkln] Geographie

Ummara de Hälftn vom Land san weniga ois oan Meter üba, oanige sogar unterhoib am Meeresspiegel. Da hechste Punkt vom Land, da Vaalserberg im Südostn, is 321 m hoach. De flachn Gebiete wern durch Deiche vor Sturmflutn gschützt. Teile vo de Niedalånde, zum Beispui fast de ganze Provinz Flevoland, wern durch künstliche Landgewinnung dahoitn, de Gebiete wern Polder gnennt.

De wichtigstn Flüsse san Rhein, Waal und Maas.

S' Klima is gemäßigt maritim mit kühle Summa und milde Winter.

[dro werkln] Wirtschaft

De Niedalånde ham a guat funktionierends, offens Wirtschaftssystem. Seit den 1980er Jahren betreim de Regierungen an wirtschaftsliberalen Kurs. In da Industrie gibt's Nahrungsmittel- und chemische Industrie, Erdölraffinierien und de Herstellung vo Elektrogeräte. De moderne und hoach technologisierte Landwirtschaft beschäftigt grad 4% vo de Arbata, tragt aba net schlecht zum Export bei. De Niedalånde san nach de USA und Frankreich da weltweit drittgreßte Exporteur vo landwirtschaftliche Erzeugnisse. De Niedalånde san Mitbegründer vo da Euro-Zone.

[dro werkln] Bevölkerung

De Niedalånde san mit mehra ois 400 Eiwohna pro Quadratkilometa oans vo de am dichtesten besiedelten Lända vo dera Welt.

Es gibt zwoa Amtssprachn, Niedaländisch und Friesisch (nur in da Provinz Friesland im Norden). Danem wern im Norden aa Niedasächsische Dialekte gsprocha.

De wichtigsten Religionen san da Katholizismus (18% im Jåhr 1999) und da Protestantismus (15%). 63% vo de Niedaländer san in koana Religionsgemeinschaft.

[dro werkln] Kultur

Vui weltberühmte Mala warn Niedalända. Des 17. Jåhrhundert, de Blütezeit vo da Republik, håt groaße Künstla wia an Rembrandt van Rijn, an Johannes Vermeer oder an Jan Steen hervorbracht. Aa spada warn Mala wia da Vincent van Gogh und da Piet Mondriaan weltberühmt. M. C. Escher is a bekannta Grafika. Aus de Niedalånde stamman aa da Erasmus vo Rotterdam und da Baruch Spinoza, aa da René Descartes håt da glebt. Aus'm "Goldna Zeitoita" (De Gouden Eeuw) warn de Schriftstella Joost van den Vondel und P. C. Hooft zum nenna. Wichtige Autorn im 20. Jahrhundert warn da Harry Mulisch, da Jan Wolkers und da Simon Vestdijk.