Ingalaterrako Richard I.a
Wikipedia(e)tik
Richard I.a (1157ko irailaren 8a – 1199ko apirilaren 6a) Lehoibihotza (ingelesez Lionheart; frantsesez Cœur de Lion) bezala ere ezaguna, Ingalaterrako erregea izan zen 1189 eta 1199 bitartean.
Henry II. aitak semeen artean banandu zituen bere menpeko lurraldeak. Richadi Poitu, Perigord, Limoges eta Gaskuina egokitu zitzaizkion. Hala ere, 1173an anaia zaharrekin batera aitaren kontra matxinatu zen. Garaituta, barkamena lortu zuten.
1184an Henry anaia zaharrena hilda, Richard oinordeko bihurtu zen. Aitak zalantzak izan zituen izendapen hori berresterakoan, eta Richardek Frantziako Philippe II.arekin bat egin zuen. 1189ko uztailaren 4an hitzartu zen bakea, non Richarden oinordekotza onartu zen.
Richardek 1189ko irailaren 3an eskuratu zuen Ingalaterrako koroa. Segituan Frantziako Philippe II.arekin gurutzada egitera joan zen, boterea Akitaniako Leonor amaren esku utzita. Ekialdean, Zipre eta Akre hartutakoan, Saladinorekin bakea sinatu zuen (1192) kristauei lurralde santuetara joateko ahalmena lortuz. Xipren, 1191ko maiatzaren 6an Nafarroako Berengariarekin ezkondu zen Richard, Akitaniako Leonorrek nahi zuen bezala. Nolanahi ere, historialari batzuen arabera, Richard homosexuala zen, sodomiako bekatua egotzi baitzitzaion.
Hirugarren Gurutzadatik itzultzerakoan, ordea, Austriako dukeak atzeman zuen Richard. 1194an Canterburyko apezpikuak erreskatea ordaindu zuen. Akitaniara bueltatutakoan, matxinatu ziren hango hainbat baroiren aurka borrokatu zuen. Philippe II.aren kontra ere egin zuen, honek Johnekin, Richarden anaia gaztearekin, konspiratu zuelako. Borroka horietan zaurituta (arin bazen ere), 1199an hil zen.
