Alfabet
De Vichipedie, la enciclopedie libare dute in marilenghe.
Un alfabet al è un insiemit standardizât di letaris — simbui di base pe scriture — ognidun al rapresente plui o mancul un foneme di une lenghe fevelade, sei come che esist vuê sei come che esisteve tal passât. A son altri sistemis di scriture, come i logografs, dulà che ogni caratar al rapresente une peraule, e i silabaris, in cui ogni caratar al rapresente une silabe, ma i alfabets a son par sigûr il sisteme di scriture plui frecuent. I alfabets po a si dividin a seconde di cemût che a indichin lis vocâls: compagns des consonants, come tal alfabet grêc, come modifichis des consonants, come pal Hindi, o che no lis indichin par nuie, come tal alfabet arap.
La peraule "alfabet" e ven dal tart latin alphabetum, che al ven a sô volte dal grêc antic alphabetos, di alpha e beta, lis primis dôs letaris dal alfabet grêc. Vuê a son doprâts desinis di alfabets; i plui doprâts a son fats di riis; ecezions a son il Braille, l'alfabet manuâl e il codiç Morse.
[cambie] Liste di alfabets
- Alfabet grêc
- Alfabet latin
- Alfabet cirilic
- Alfabet arap
- Alfabet armen
- Alfabet gjeorgjan
- Alfabet ebraic
- Alfabet fenici
- Alfabet etrusc
- Alfabet fonetic internazionâl
- Alfabet sanscrit
- Alfabet tailandês
[cambie] Leams esternis
- (inglês) Esemplis di alfabets
