Carintie
De Vichipedie, la enciclopedie libare dute in marilenghe.
| Carintie o Carinzie | |
|---|---|
| Non ufiziâl: | Kärnten |
 |
 |
| Stât: | Austrie |
| Cjâflûc: | Clanfurt |
| Superficie: | 9.536 km2 |
| Popolazion: - Totâl - Densitât |
(2001) 559.404 ab. 59 ab./km2 |
 |
|
| Sît istituzionâl | |
La Carintie o Carinzie (par todesc Kärnten, par sloven Koroška) e je un dai stâts federâts de Austrie (tod. Bundesländer, sing. Bundesland), logade te part meridionâl dal paîs. La so capitâl (tod. Landeshauptstadt) e je Clanfurt (tod. Klagenfurt am Wörthersee, slov. Celovec ob Vrbskem jezeru - 94.000 ab. ce.); altris centris importants ai son Sankt Veit an der Glan, Spittal an der Drau, Vilac (tod. Villach, slov. Beljak), Völkermarkt (slov. Velikovec) e Wolfsberg (slov. Volšperk).
Indis |
[cambie] Gjeografie
La Carintie e comprind variis cjadenis montuosis, come lis Alps dal Gurktal, lis Alps Cjargnelis, lis Cjaravanchis, la Koralpe e i Alts Taurs. Propri in cheste ultime cjadene e si cjate la mont plui alte dale Austrie: il Grossglockner (3797 m).
Dutis chestis monts a delimitin par prionte la part iniziâl dal bacin dale Drau.
[cambie] Storie
Di seguit ai son lis plui importantis datis cui rispetîfs acjadiments:
- I secul p.di C. - Il teritori dale Carinzie al devente provincie romane.
- VI secul - Al ven invâs da popolazions sclavis.
- 976 - Ducât indipendent.
- 1286 - Al passe sot la influence dai conts dal Tirol.
- 1335 - Al finis sot la dominazion asburgjiche.
- 1919 - Seont i tratâts conclusîfs da la Prime Vuere Mondiâl e daspò che la Austrie si è organizade in republiche (1918), i siei distrets meridionai ai vegnin anetûts ae Iugoslavie e la Val Cjanâl al Ream d'Italie.
[cambie] Minorancis
.png/250px-Map_at_carinthia_municipalities_(Slovenes).png)
|
|
Aree tradizionâl di insedament dai slovens carinzians |
Tal sud dal stât federât - soredut tal distret di Villach-Land, in chel di Klagenfurt-Land e in chel di Völkermarkt - a vivin membris dal grop etnic di lenghe slovene (secont il censiment dal 2001: 14.010 personis) come minorance scognossude. Chest grop al è sul teritori de odierne Carintie fintramai de alte Etât di mieç e par vie di cheste presince une part dai toponims e à ancje une variant slovene.
La discussion sui derits dai grops etnics (par esempli: la segnaletiche bilengâl) e và indenant intune maniere une vore sintude a nivel emozionâl.
[cambie] Economie
Important pae economie carintiane al è il turisim, insiemit ae produzion e ae lavorazion dal legnam e ae presince di stabiliments leâts ae industrie eletroniche. Di ricordâ e je ancje la presince di giaciments mineraris.
[cambie] Organizazion aministrative
Le Carintie e je dividude in 8 distrets (tod. Bezirke) e 2 citâts statutariis (tod. Statutarstädte); di seguit al è riportât l'elenc cun lis rispetivis targhis:
| Citâts statutariis | Targhe |
|---|---|
| Clanfurt (tod. Klagenfurt) | K |
| Vilac (tod. Villach) | VI |
| Distrets | Targhe |
|---|---|
| Feldkirchen | FE |
| Hermagor-Pressegger See | HE |
| Klagenfurt-Land | KL |
| Sant Vît di Carintie (tod. Sankt Veit an der Glan) |
SV |
| Spittal an der Drau | SP |
| Villach-Land | VL |
| Völkermarkt | VK |
| Wolfsberg | WO |
[cambie] Situazion politiche
Al moment, il governadôr (tod. Landeshauptmann) dale Carintie al è Jörg Haider, dal BZÖ (tod. Bündnis Zukunft Österreich, voltât: "Aleance par il futûr dale Austrie"), un personaç une vore controvers.
[cambie] Risultivis
- ↑ Volkszählung 2001
 |
Länder austriacs |  |
|---|---|---|
| Burgenland | Carintie | Alte Austrie | Basse Austrie | Salisburghês | Stirie/Staiar | Tirol | Vorarlberg | Viene | ||
