Vignesie Julie

De Vichipedie, la enciclopedie libare dute in marilenghe.

La Vignesie Julie e je une regjon istoriche-gjeografiche da la Italie identifiade tal 1863, di une idee dal innomenât lenghist furlan-gurizan Graziadio Isaia Ascoli, par designâ ducj i teritoris che, devant de redenzion dai 4 di novembar dal 1918, a si cjatavin « dilà dal Clap », sot da l’Austrie-Ongjarie. La Italie int rivendeave la possession parceche istorichementri, gjeografichementri e jere taliane e e jere a maioritât etniche taliane. Il nom al ven di « Gens Iulia » (la famee latine ch’’a colonizà lis nestris tieris) e e cjoleve dadentri il Friûl orientâl (lisuntin cun Gurize e dut il bacin dal Vipau e dal Lisunç), la tiere di Triest e di Adelsberc, il Cjarnâr e l’Istrie. La necesitât ‘a ere chee di unifiâ cuntun sôl nom chestis regjons par podê rivendeâlis miôr.

Cheste regjon ‘a si amplià e ‘a si strenzè vie pas disinis di agns, sedi pierdint teritori (il sarvignanàs e il tarvisian a passarin al Friûl udinàs), sedi ampliantlu (tai agns ’20 dal secul stât a si cunsiderave Vignesie Julie ancje dut il Friûl centrâl, Friûl ocidentâl, la Cjargne, il Cjanâl dal Fier e la Val Cjanâl (a restarin escludûts il Cjadovri, l’Ampezo e il teritori di Puart. I Furlans centri-ocidentâi però no acetarin mai di sei definîts « julians ».

Cumò la definizion di Vignesie Julie e cjape su dome il teritori a est dal Lusinç in provincie di Gurize e la provincie di Triest.