Bodie (Kalifornie)
Ut Wikipedy
Bodie, Kalifornie. | |
---|---|
Basis ynformaasje | |
Lân | Feriene Steaten |
Staat | Kalifornie |
Regio | Mono County |
Oprjochting | 1876 |
Hichte | 2250 meter |
Tal ynwenners | 0 |
Koördinaten | - |
Webside | Bodie State Historic Park |
Bodie is in spookstêd yn de Amerikaanske steat Kalifornie en leit op in hichte fan 2250 meter. Bodie, dat yn it saneamde Wylde Westen leit, is ferneamd nei W.S. Bodey. In man dy't yn 1859 ûntduts dat dêr goud yn de boaiem siet. Hy kom yn novimber fan dat jier om by in befoarriedingmisje yn in tongerbui. It stêdsje hat hjoed de dei de status fan Nationale Historic Landmark, wat betsjut dat it stêdsje erkent is as in monumint.
Ynhâld |
[bewurkje seksje] Skiednis
It wie hast twintich jier letter nei de ûntdekking fan Bodey dat de Standard Company yn 1876 in geologyske goudlaach ûntduts dy't winstjouwend wie. Fan dan ôf an groeit it lytse isoleare doarpke út fan in lyts buorskip fan 20 ynwenners nei in stêd mei úteinlik wol 10.000 ynwenners. Yn totaal ha de Bodie-mynen wol 34 miljoen dollar an goud opbrocht.
Bodie krijt yn die tiid de kinmerken fan in grutte stêd. Mei twa banken, in tippelsône, in treinstasjon, fakbûnen, kranten, in finzenis en op it hichtepunt sels 65 salons, hat it stêdsje alles fan in grutte stêd. Moard en fjochtpartijen binne mear regel as útsûndering.
Nei ferrin fan tiid wurd der hieltyd minder goud fûn en de opbringsten bliuwe efter. Yn de tritiger jierren is de stêd al hast hielendal ferlitten. Dochs wenje der yn it grutste part fan de 20e ieu minsken en wurd de myn pas yn de jierren sechtich ticht dien.
[bewurkje seksje] Sinezen
Nei ferrin fan tiid krijt Bodie harren eigen Chinatown. Op dat momint wenje der hûnderten Sinezen yn Bodie. Der wie sels in Sineeske timpel. De Sinezen fertsjinnen harren jild mei it ferkeapje fan griente of it kapje en ferkeapje fan hout. Hjir wie in protte wurk yn omdat de temperatueren yn Bodie faak ûnder de 0 graden selsums kom wie der in protte hout nedich foar it waarm hâlden fan de hûzen.
[bewurkje seksje] Hydraulyske elektrisiteit sintrale
Yn 1893 bout de Standard Company harren eigen Hydraulyske elektrisiteit sintrale. Dizze sintrale stiet op san 20 kilometer fan it plak ôf an de Green Creek. De sintrale koe san 130 hynstekrachten en 6.600 folt opwekke. Mei dizze sintrale waarden de twintich mûnen fan it bedriuw fan elektrisiteit betsjinne.
[bewurkje seksje] Nasjonaal Park
Sûnt 1962 is Bodie in Nasjonaal Park, Bodie State Historic Park neamd. Noch hieltyd stean der san 170 gebouwen oerein yn Bodie, wêr ûnder in skoalle en in tsjerke. De gebouwen bliuwe troch de lege luchtfochtichhyt yn in goeie staat. It is ien fan de best bewarre doarpen út de tiid fan it Wylde Westen, ek al baarnde der yn 1932 in grut part fan it stêdsje ôf. Besikers kinne it hiele jier troch, tsjin in fergoeding, de strjitten fan it stêdsje rinne. It ynterieur fan de hûzen is sa folle mooglik yn takt bleaun. De bêste tiid om it stêdsje te besykje is yn de simmermoannen, yn die wintermoannen is de dyk nei it plak ta net te beriede fanwege de snie.