Piipkrûd

Ut Wikipedy

Piipkrûd
taksonomy
Klasse: Magnoliophyta Skift: Magnoliopsida Famylje: Apiaceae
soarte
Anthriscus sylvestris

Piipkrûd (Anthriscus sylvestris) is in plant út de famylje fan de skermblommen (Apiaceae).
Dizze soarte komt yn Fryslân algemien foar, yn it bysûnder op plakken dy't mei gers begroeid binne. De plant komt meast talryk foar oan'e kant fan'e dyk dy't hjirtroch wyt fan kleur wurdt.
Piipkrûd wurdt ek wol pipekrûd, fluitekrûd, fluitestâlen, franjekrûd, hûnestang, kikkertskrûd, piperkrûd, pypkrûd, spoekeblom of stjonkblom neamd.

Ynhâld 1 Botanyske beskriuwing 2 Fotogalery 3 Sjoch ek 4 Eksterne links

[bewurkje seksje] Botanyske beskriuwing

De skermen binne gearstald út wite blomkes dy't nochal ier bloeie. De plant is behierre en kin 1,5 meter heech wurd. De stâlen binne hol mei groeven en faak readbewaze.
Trochdat de stâle hol is, kin der in fluitsje fan makke wurde. Om een fluit te meitsjen moat by in holle Piipkrûdpiip, mei ûnderoan in tichte knoop, ûngefear op healwei in sneed oerlangs makke wurde.
De blom is wyt en hat in trochsneed fan 3 à 4 mm. Elk blomke hat in omwynseltsje en fiif kroanbledsjes, wêrfan't der twa wat lytser binne. De blommen foarmje gearstalde skermen mei 8 oant 15 skermstrielen.
De bloeiperioade rint fan april oant juny. De blêden binne twa- oant trijefâldich fearre; de ûnderkant is sêftbehierre. Piipkrûd hat donkerbrune, silinderfoarmige fruchtsjes mei in ribbele snaffel.

De plant waard troch Jac. P. Thijsse ek wol Hollânsk kant neamd. Dit omdat de blommen fyn fan foarm binne.

[bewurkje seksje] Fotogalery

fruchten

[bewurkje seksje] Sjoch ek

List fan planten

[bewurkje seksje] Eksterne links

• SoortenBank.nl beskriuwing en ôfbylden

Dit materiaal is beskikber fia Wikimedia Commons as Anthriscus sylvestris en wurdt mooglik ek brûkt by oare Wiki-projekten.